يبدو ان الدعوة للإضراب العام يوم 6 إبريل ستؤتي ثمارها ..
الإضراب هو حديث الساعة في الشارع المصري
الناس مؤيدة له و مُـستجيبة له .
انهاردة بالذات .. كل ما اركب مواصلة / كل ما ادخل محل / كل ما الاقي مجموعة من الناس بتتكلم .. لازم الجميع يجيب سيرة يوم الاحد 6 ابريل
الناس بقت بتظبط مواعيدها الاسبوع ده .. و بتستبعد من اجندة مواعيدها يوم الاحد الجاي ..و اللي يعرف بيقول للي ميعرفش .. انتا يا عم موش عايش في البلد ..موش عارف اللي بيحصل فيها .. مفيش شغل يوم الاحد البلد مقلوبة ..بلاش نتقابل يوم الاحد بلاش تسافر يوم الاحد بلاش تنزل البلد يوم الاحد اقعد في بيتكم احسن
يبدو و الحمد لله ان الاضراب ده اتحضر له صح و لقي قبول و مصداقية عند الناس
اتكلمت مع ناس كبيرة - اللي في المأثور بنقول عليهم دول الناس اللي معاهم حكمة السنين و الايام اللي هما اجعص من اي كتاب تاريخ او تحليل سياسي احسن من اي محلل سياسي و استراتيجي
كلمت المِعلم عبد الباسط - قالي : ده الصح اللي المفروض يتعمل الدولة خايفة من الناس - انتا مش شايف قرارات تخفيض التعريفة الجمركية علي السلع الاساسية انا عن نفسي حقعد في البيت يومها و الحركة دي اكيد حتجيب فايدة
عم خميس قالي : و عم خميس ده بلغ من الكبر عتيا قالي عم خميس : انا خايف يحصل زي احداث يناير 74 الناس عندها حق يا ابني - الغلا دمر حياتهم و ده حيخوف الحكومة منهم و يخليهم يلموا نفسهم شوية انا خايف بس الناس تعمل زي 74 و يدمروا العربيات و المحلات و دوا فرصة للحكومة توصفهم بشوية مخربين و مدمرين سنة 74 الناس نزلت الشوارع و الامن ضربهم فضربوا الامن و ده سبب تدميرهم للمحلاتو العربيات
اخيرا ً..وصل لي معلومتين في غاية الاهمية و الدلالة الاولي : في المصالح الحكومية في قرارت صدرت بمنع اي اجازة يوم الاحد .. اتشدد علي كدة
و في الجيش نفس الحكاية ايام الاحد و الاتنين و التلات و الاربع
لو ضفنا علي المعلومتين دول اللي بيحصل اليومين اليل فاتوا في الجرايد الحكومية الملاكي من مانشتات عريضة بتخفيض التعريفة الجمركية و تدخل الرئيس نكون عرفنا اد ايه ان اضراب 6 ابريل نجح قبل ما يبدأ ..بس مش معني كدة انه لا ينفذ ..لو اتنفذ فعلا فحتفرق اوي معانا
ليا بس شوية ملاحظات علي الاضراب عشان ينجح و يؤتي ثماره :
- لا ينبغي ان يكون موجود فيه شعار او دعاية لاي حزب او حركة لان ده يوم مصر كلها - عيد مصر كلها
- و لا ينبغي استخدام هتافات معادية للحكومة او استخدام الفاظ بذيئة فقط احتجاج صامت
- ضبط النفس علي ضبط النفس جيدا تجاه اي محاولة لاستفزاز المعتصمينو بقليل من الصبر اذا ما حدث ث اي محاولة امنية استفزازية سيحدث العكس
- اذا اراد المعتصمين الهتاف فان يكون هتافهم الوحيد : مصر
و ربنا معاكي يا مصر
الإضراب هو حديث الساعة في الشارع المصري
الناس مؤيدة له و مُـستجيبة له .
انهاردة بالذات .. كل ما اركب مواصلة / كل ما ادخل محل / كل ما الاقي مجموعة من الناس بتتكلم .. لازم الجميع يجيب سيرة يوم الاحد 6 ابريل
الناس بقت بتظبط مواعيدها الاسبوع ده .. و بتستبعد من اجندة مواعيدها يوم الاحد الجاي ..و اللي يعرف بيقول للي ميعرفش .. انتا يا عم موش عايش في البلد ..موش عارف اللي بيحصل فيها .. مفيش شغل يوم الاحد البلد مقلوبة ..بلاش نتقابل يوم الاحد بلاش تسافر يوم الاحد بلاش تنزل البلد يوم الاحد اقعد في بيتكم احسن
يبدو و الحمد لله ان الاضراب ده اتحضر له صح و لقي قبول و مصداقية عند الناس
اتكلمت مع ناس كبيرة - اللي في المأثور بنقول عليهم دول الناس اللي معاهم حكمة السنين و الايام اللي هما اجعص من اي كتاب تاريخ او تحليل سياسي احسن من اي محلل سياسي و استراتيجي
كلمت المِعلم عبد الباسط - قالي : ده الصح اللي المفروض يتعمل الدولة خايفة من الناس - انتا مش شايف قرارات تخفيض التعريفة الجمركية علي السلع الاساسية انا عن نفسي حقعد في البيت يومها و الحركة دي اكيد حتجيب فايدة
عم خميس قالي : و عم خميس ده بلغ من الكبر عتيا قالي عم خميس : انا خايف يحصل زي احداث يناير 74 الناس عندها حق يا ابني - الغلا دمر حياتهم و ده حيخوف الحكومة منهم و يخليهم يلموا نفسهم شوية انا خايف بس الناس تعمل زي 74 و يدمروا العربيات و المحلات و دوا فرصة للحكومة توصفهم بشوية مخربين و مدمرين سنة 74 الناس نزلت الشوارع و الامن ضربهم فضربوا الامن و ده سبب تدميرهم للمحلاتو العربيات
اخيرا ً..وصل لي معلومتين في غاية الاهمية و الدلالة الاولي : في المصالح الحكومية في قرارت صدرت بمنع اي اجازة يوم الاحد .. اتشدد علي كدة
و في الجيش نفس الحكاية ايام الاحد و الاتنين و التلات و الاربع
لو ضفنا علي المعلومتين دول اللي بيحصل اليومين اليل فاتوا في الجرايد الحكومية الملاكي من مانشتات عريضة بتخفيض التعريفة الجمركية و تدخل الرئيس نكون عرفنا اد ايه ان اضراب 6 ابريل نجح قبل ما يبدأ ..بس مش معني كدة انه لا ينفذ ..لو اتنفذ فعلا فحتفرق اوي معانا
ليا بس شوية ملاحظات علي الاضراب عشان ينجح و يؤتي ثماره :
- لا ينبغي ان يكون موجود فيه شعار او دعاية لاي حزب او حركة لان ده يوم مصر كلها - عيد مصر كلها
- و لا ينبغي استخدام هتافات معادية للحكومة او استخدام الفاظ بذيئة فقط احتجاج صامت
- ضبط النفس علي ضبط النفس جيدا تجاه اي محاولة لاستفزاز المعتصمينو بقليل من الصبر اذا ما حدث ث اي محاولة امنية استفزازية سيحدث العكس
- اذا اراد المعتصمين الهتاف فان يكون هتافهم الوحيد : مصر
و ربنا معاكي يا مصر
ليست هناك تعليقات:
إرسال تعليق