انا مش عارف ليه باشوفها كتير صدفة
من غير مواعيد علي طول الاقيها في وشــي
دايما ً هي و ابوها ماشيين مع بعضهم بالليل
يجيبوا العشا او يشتروا حاجة
مش عارف ليه لما باشوفها بافرح و ازعل
يمكن لاني في يوم لما حصل و كلمتها كنت باعتبرها زي اختي الصغيرة لاقيتها كويسة جدا ً و طيبة اوي و ذكية
زيها زي اختها الكبيرة اجملو اطيب انسانة قابلتها
حصل صدفة برضو و قابلت ابوها و اتكلمت معاه لمدة بسيطة بس أثر فيا كتير و حسيت ان الدنيا بخير
و حصل صدفة برضو و شفت والدتها و فيها ابتسامة الناس الطيبين اللي تقريبا كنت قربت انساها من زمان
انا باحس بالعيلة دي فيهم خير
بس برضو مش عارف ليه لما باشوفها بافرح و بازعل
هل لاني غلطت فيها مرة في لحظة انفعال ؟ و هل لاني حاولت اصالحها اكتر من مرة و هي رفضت ؟
انا من طبعي مبحبش اغلط في حد او ازعل حد مني خاصة لو كان الحد ده انا عارف انه كويس و طبعا محبش اخسره
هل عشان كدة انا بزعل و اتضايق
المشكلة اني كل ما اخلاص انسي كل ده ارجع و اشوفهم تاني صدفة .. ده حتي مش ف الطريق و بس
لأ بيطلعولي في الأحلام كمــــان
انا مش عارف ده ايه تفسيره .. بس اللي انا بحسه كل مرة ان العيلة دي اهلي
هناك تعليقان (٢):
:)
انت اللي عاوز تفسرها
و لو انت عاوز تفسرها هتلاقيلها تفسير و لو كان حلها هي سرعة الضوء في الفراغ
:) يا ابني الحاجات اللي زي دي مش بتيجي بالشكل ده
:) و الحاجات دي مفيهاش دبلوماسية
يا ابيض
يا اسود
يا معاها
يا مش معاها
و انت الادرى
سلااام
عارف ردي عليك أتأخر جدا يا عبد الرحمن ..
بس انا كنت احترت ارد اقولك ايه ..
لحد ما لاقيت تفسير في حواديت رحاب بسام في قصة القط الابيض و القط الاسود ..
تفسيره اني كنت بعاني من فراغ و عاوز اشغله . و بادور علي الحب قبل اوانه .
شكرا ليك يا عبده
إرسال تعليق