دعاء لأختي و صديقتي الغالية فك الله كربها و أزاح مـُصَابها

>>>
هذا دعاء أرجو أن يعود بالخير علي صديقتي و أختي التي لم تلدها أمي التي تمر بكــَرب أسأل الله أن يـُزيحه عنها .
و قد ســألتني أن أدعو به لها - خاصة في اليومين القادمين .

و هأنذا أكتبه هنا عسي أن تشاركونا الدعاء لها لعل فينا رجل صالح يتقبل الله منه . و كما قال رسول الله - محمد - صلي الله عليه و آله و سلم : خير الناس أنفعهم للناس . و كما قال أيضا ً : من لم يهتم بأمر المسلمين فليس منهم .

الدعاء

اللهم إن عــَبدتك في ضيق فـــَوَســِع عليها مـِن رَحمَتك و فضلك .

اللهم إختر لها الخير ، و إجعله لها حيث يكون .

اللهم إنـــهــا عــَبدتك الضعيفة الطيبة فإنصرها .

و تذكرت حين علِمت بكربها دعاء يونس في بطن الحوت : لا إله إلا أنت سبحانك إني كنت من الظالمين .

- و قد بحثت في القرآن الكريم عن الآيات التي ذ ُكر الصَبر فيها

1- لقمان: يَا بُنَيَّ أَقِمِ الصَّلاةَ وَأْمُرْ بِالْمَعْرُوفِ وَانْهَ عَنِ الْمُنكَرِ وَاصْبِرْ عَلَى مَا أَصَابَكَ إِنَّ ذَلِكَ مِنْ عَزْمِ الأُمُورِ .

و هنا جعل الله الصبر علي المُصاب من عزم الأمور .

2- القلم: فَاصْبِرْ لِحُكْمِ رَبِّكَ وَلا تَكُن كَصَاحِبِ الْحُوتِ إِذْ نَادَى وَهُوَ مَكْظُومٌ

3-المعارج: فَاصْبِرْ صَبْرًا جَمِيلاً .

و هنا ضرورة أن يرتبط الصبر بالأمل في المستقبل في أن يكون جزاء الصبر خير .

4-المدثر :وَلِرَبِّكَ فَاصْبِرْ

و هنا الصبر - كما افهم من النص -مفتاح الوصول الحق الي الله كما ان الله - حسب ما فهمت - يختص الصابرين بمنزلة كبيرة.

5-آل عمران: أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَعْلَمِ الله الَّذِينَ جَاهَدُواْ مِنكُمْ وَيَعْلَمَ الصَّابِرِينَ

6-الرعد: وَالَّذِينَ صَبَرُواْ ابْتِغَاء وَجْهِ رَبِّهِمْ وَأَقَامُواْ الصَّلاَةَ وَأَنفَقُواْ مِمَّا رَزَقْنَاهُمْ سِرًّا وَعَلاَنِيَةً وَيَدْرَؤُونَ بِالْحَسَنَةِ السَّيِّئَةَ أُوْلَئِكَ لَهُمْ عُقْبَى الدَّارِ

و هنا جزاء الصبر و شرط من شروطه ان يكون الصبر ابتغاء وجه الله و ان يكون مقترنا بالعبادات من صلاة و زكاة .

7-النحل: مَا عِندَكُمْ يَنفَدُ وَمَا عِندَ الله بَاقٍ وَلَنَجْزِيَنَّ الَّذِينَ صَبَرُواْ أَجْرَهُم بِأَحْسَنِ مَا كَانُواْ يَعْمَلُونَ .

و هنا يختص الصابرون بمضاعفة الأجر لهم .

و بالبحث في السنة :-

وجدت أن الصبر أنواع ثلاثة :-

1- الصبر علي طاعة الله .

2- الصبر علي معصية الله .

3- الصبر علي أقدار الله المؤلمة .

و وجدت حديث الأمة السوداء التي فضلت ان تظل مريضة بالصرع علي ان تشفي منه حتي تنول الجنة .

**لما مرضت الأمة السوداء بالصرع جاءت تشتكي للنبي صلى الله عليه وسلم فقالت : إني أُصرع وإني أتكشف فادعُ الله لي، قال : (( إن شئتِ صبرت ولك الجنة، وإن شئت دعوت الله أن يعافيكِ)) فقالت: أصبر ولكن ادع الله لي ألا أتكشف. فدعا لها فكانت تصرع ولا تتكشف. [متفق عليه].

فهذه الأمة البسيطة رغم إبتلائها العظيم الذي قد يجعل جسدها عـُرضة للناس حتي يداومها الصرع قد فضلت آلام الصرع الفظيعة علي العلاج و إن سألته الدعاء لها بألا تتكشف .

4. بين الرسول صلى الله عليه وسلم أن الصبر ضياء ، كما جاء في حديث مسلم فقال: ((الصلاة نور، والصدقة برهان، والصبر ضياء والقرآن حجة لك أو عليك)).

سألتني كيف أكون مثقفة ، و ها هو الجواب ؟

قد سألتني - ذات مرة - من ما يزيد علي عامين : كيف أكون مثقفة ؟
- و قد أجبتها وقتها بما فتح الله به علي .

و الآن أعيد مجاوبة السؤال - مستعينا برأي متخصص هو د. إبراهيم الفقي .

و ها هو الجواب

قراءة لمدة عشر دقائق يوميا ..
سماع شريط ..
حضور محاضرات ودورات بمعدل محاضره كل شهر ودورة كل ستة أشهر ..
تعلم لغة جديدة ..
جعل التميز هو الهدف في العمل ..
الاستيقاظ مبكرا واستغلال هذا الوقت في تدوين فكره جديده ..القيام
بعمل محبب إلي النفس ..
الاحتفاظ بمفكرة صغيره قريبه من السرير ويدون بها الأفكار الطارئة
قبل النوم فهي تعتبر هدية من العقل ..
قبل النوم يجب التوجه بسؤال إلي النفس ...هل تريد هذا اليوم أن يعود
مره أخري ...هل أنجزت شيئا فيه ..هل تريد أن تقوم بطريقه مختلفة في
اليوم التالي
قيم يومك دائما وسترى النتيجة ..
أخيرا دع لنفسك المجال لتجرب ولا تقيدها ... ومع الأيام ستتحول إلى
الشخصية التي تحبها ..
بقلم : نور
بتصرف من كتاب مفاتيح النجاح للكاتب الدكتور .. إبراهيم الفقي

أتوجه بالشكر لأخي : إسلام صديق علي إهدائه هذا الملخص الوافي .

العنف سيد الموقف

العنف سيد الموقف في مجتمعنا المصري الآن ، حقيقة لا ينبغي رفضها ، أو الإلتفاف عليها ؛ فهو الحاكم الأساسي الآن في العلاقات بين الناس ، هو لا الحوار .
العنف بكل انواعه و كل اشكاله و كل ممارساته علي كل المستويات يستوي فيه الجميع بلا أدني تفرقة ؛ فعنف يمارسه المَعوز ، و آخر يمارسه متيسر الحال ، و الغني . و يُمارس من الغفير للوزير .
أصبح العٌنف هو ثقافة المواطن و دستور حياته و هوائه الذي لا يقدر العيش دونه فلا يعرف جهة أو هيئة تعطيه حقوقه بالاحترام الذي يستحقه و يحفظ له ماء وجهه أو حتي آدميته !! يكفي فقط أن تدخل أي مؤسسة حكومية لتقابل أنواعا ً و ألوانا ً و درجات متفاوتة من إنحطاط إسلوب التعامل و الاحترام المٌفترض . هذا نموذج للعنف المؤسسي .
و يكفي أت تركب سيارة الآجرة حتي تجد الراكب أو السائق أيهما يستخدم العنف ضد الآخر حتي يصل الأمر ربما إلي الضرب أو السُباب . أو ربما كان العنف ياتي في موقف السيارات ممن فرضوا انفسهم منظمين لحركة المرور بهذا الموقف في غيبة – بل و حضور – الوجود الأمني فيفرضون بالقوة الإتاوات علي السائقين فمن يدفع يعمل بحريته ، و من لا يدفع لهم يُطرد غير مأسوف عليه بعدما يتعرض لصنوف من المهانة تجعلك تلعن هذه الدنيا التي تجعل الناس حيوانات بسبب خمسين قرشا َ أو أقل من ذلك .
و عنف يمارس داخل الأسرة من أب أو أم أو إبن أو أخ لأسباب شتي و كفي أن تقرأ صفحات الحوادث بالصحف اليومية لتقف عند حجم المشكلة .
هذه النماذج هي قليل من كثير لا يُمكن حصره في مقال أو كتاب واحد و هو ما يدفعنا للتساؤل لماذا يحدث هذا ، و كيف ننتهي منه . هذا تساؤل مُقدم لباحثي علم الإجتماع – بالخصوص – لوضع أجوبة و إقتراحات لوضع حلول له ؛ لأن الوضع خطير جدا ً لا يحتمل السكوت .

إشاعات الهوي .. نزار قباني

ll

هذه القصيدة أهديها إليها ، لعل الود يعود ، و نفتح صفحة جديدة ، و تعرف ، و تتيقن كم

أنا معها صادق .

اقول امام الناس: لست حبيبتي واعرف في الاعماق كم كنت كاذبا

وازعم ان لا شي يجمع بيننا لابعد عن نفسي و عنك المتاعبا

وانفي اشاعات الهوى , و هي حلوة واجعل تاريخي الجميل خرائبا

واعلن في شكل غبي براءتي واذبح شهواتي ......... اصبح راهبا

واقتل عطري عامدا متعمدا واخرج من جنات عينيك هاربا

اقوم بدور مضحك يا حبيبتي وارجع من تمثيل دوري خائبا

فلا الليل يخفي، لو اراد، نجومه ولا البحر يخفي، لو اراد، المراكبا

نزار قباني

هي و ماضي العبثي

أأكون ضحية ماضي كنت ماشيا ً فيه دون عقل ، و هُدي ؟ ، و أفقد أغلي من وجدت ، و أكرم من عــرفت ؟ كيف الخروج من هذه العُسرة التي أنا فيها ، و كل ما سأحتج به سيـــُرد عليّ ،و يؤخذ من هذا الماضي مُحتج به ضدي ؟ أعترف بخطئي و لا أتهرب منه ؛ فمن كان منكم بلا خطيئة فليرمني بحجر ، أم أن الإنسان في هذه الدنيا مربوط بأخطائه ، و حماقاته إلي آخر الدهر ، فلا يشفع له ندمه علي ما سلف ، و رغبته الصادقة في تجاوزه ، و لا يشفع له توبته النصوح . بــَلي ، كان الماضي خطيئة عنها أعتذر لنفسي قبل أي نفس أخري ، لكنه ما كان خطئا ً مدروسا ً ، أو مقصودا ما بال الحبيب لا يتعقل الموقف ، و يفهم مثلما فهمت حكمة ما حصل كما فهمتها أن ما حصل كان لأجل اللقاء بيننا . ما باله لا يفطن أن للـــه في أموره حــِكم ، و أن اللبيب حقا ً من يتخلي عن علل الظاهر؛ ليبحث في علل الباطن . و علة الباطن كانت هذا اللقاء بيننا علي رغم قسوة الظرف الذي فيه تعارفنا ؛ فلم تفهم من مجري الحوادث بعدها حقيقة نفسي التي تــُكن لها كل الخير و المحبة و الإحترام ، و هي معذورة فقد رأتني و أنا في طــَور العبثية ، لا رادع من أخلاق يقوم السلوك ، و يُهذب التصرفات ، و لا رادع من منطق كان حريا ً به أن ينهي النفس عن سؤها و جشعها . أنني أبكي ندما ً ، و لكن ما جدوي الندم ؛ و لا زال حبيبي يظنني ما زلت هذا العبثي الأخرق . و أتحرق شوقا ً لمغفرته ، و صــَفحه ، و لكن أني سبيل ذلك ، و هو يخاله خـِداعا ً ؟

هل انا انسان بارد ..؟

من حوالي ساعة كانت اختي الصغيرة مي - اولي ابتذائي - تايهة رحت اجيبها م المدرسة ملقتهاش . قعدت ادور عليها مش لاقيها .. جوة و برة المدرسة و موش لاقيها الغريب .. ان اعصابي كانت باردة جدا اه كنت متوتر شويتين .. بس اعصابي كانت باردة .. كان عندي امل كبير الاقيها .. و كنت خايف مشوفهاش تاني ... لاني بحبها جدا .. جه في بالي ..اني لو مشفتهاش تاني فده قضاء ربنا .. و جه في بالي ان الخير محدش يعرفه فين .. و جه في بالي اني حشوفها تاني و حلاقيها .. و الحمد لله لقتها ... بس اللي قالقني .. هل رد فعلي البارد ده معناه اني انسان بارد ؟

اعتذار

قرائي الاعزاء

اعتذر عن انقطاعي عنكم الفترة اللي فاتت كان لازم اركز اكتر في شغلي عشان اثبت نفسي فيه و الحمد لله جت بفايدة

عيد الحب

اليوم عيد الحب حيث يحتفل المحبين معا ً بعيدهم

و قد خلدوا ذكري القديس فالنتين الذي دفع حياته ثمنا ً لأن يستمر كل محب مع من أحب حتي لو كان الذي فرق بينهم هو القانون و القوة

اليوم يملأ المحبين الدنيا بالسعادة و يخرجون الي الشوارع و قد اعلنوا بصراحة عن عشقهم و اليوم ينزوي في الركن البعيد كل الخائبين و كل من لم يحالفهم الحظ بعد ليكونوا من المحبين

هل العام القادم سأجهز هدية و استقبل هدية في هذا اليوم

أم سأنعاه كهذا العام و كل الأعوام الماضيات ؟

عند الحلاق بدأت افهم الناس ليه مش حتعترض علي جيمي ؟

من ضمن قريت في مرة عرفت ان في حاجة اسمها ثقافة رسمية و ثقافة شعبية و فهمت ان في ارادة رسمية و ارادة شعبية و ان في للامور نظرتين واحدة رسمية و واحدة تانية شعبية و ان مش شرط دايما ً او غالبا ً أو ابدا ً ان اللي المعارضة بتعارض بيه باسم الشعب هو اللي في الحقيقة الشعب عاوزه فعلا . يعني ايه الكلام ده ؟ يعني بكل بساطة اننا مش حنفهم البلد ماشية ازاي او حيكون ايه مستقبلها غير لما ننزل بجد للشعب ده و نفهم هو بيفكر ازاي يعني نسيبه يتكلم علي راحته و راحة راحته و راحة راحة راحته كمان عشان منه نتعلم .

متستغربش أوي كدة . يا مثقف يا عالم يا عليم يا مغرور ياللي قاعد فوق علي كرسي عاجي قاعد بتردد مجرد كلام نظري و بس و ان شرط ان يحصل كدة ان لازم و حتما ً و لابد يحصل كدة . تصدق بقي و تآمن بالذي خلقك ان مفيش شروط ملزمة حاكمة ان كذا لازم يحصل بعد منه كذا ممكن اوي تظهر نتيجة جديدة لاي فعل انتا متوقع له حاجة تانية

المهم مش حنطول اوي في النظرية اللي اكتشفتها دي و حندخل علي طول في الموضوع

انهاردة كنت قاعد مع صاحبي الحلاق و دخل علينا زبون معاه دبلوووون تجارة - دبلوم تجارة يعني - المهم الراجل ده قعد يتكلم عن اوضاع البلد السياسية و الاقتصادية و الاجتماعية و لا اجدعها خبير او باحث و بيربط نتايجه بادلة منطقية و مقنعة

الراجل ده يا جماعة لفت نظري لخفايا كتيرة جدا و هدم عندي حاجات كنت مـعتقد في صحتها .. مش حطول عليكم عشان انا منمتش من امبارح كويس .. و حاقلكم دلوقتي اهم حاجة الراجل ده نبهني ليها ...

و هو بيتكلم و منجلي جاب سيرة التوريث .. قال ايه عم الحاج بقي

انه يا ريت جمال مبارك يكون هو الرئيس بعد ابوه . قلت له ليه يا عم هي عزبة ابوه الراجل الصالح الطاهر ابوه

قال الحكاية مش كدة الحكاية ان احنا مش عاوزين اللي يحكمنا الفترة اللي جاية دي حاكم يكون عادل او كويس

المهم نشوف اكل عيشنا

قلت له : اومال عاوزين ايه هو احنا ناقصين ؟

رد عليا قالي بص البلد زي ما انت شايف مفيهاش فلوس و بقت ع الحميــــــــــد المجيــــــــــــد

و البلد فلوسهـــــا برة

و المستثمرين الكبار بيهربوا منها

و قلة هي اللي محتكرة الاسواق

و القلة محمية في حــُضن السـُلطة

و لو مسك حد من برة المجموعة دي بعد مبارك

حبة الفلوس اللي في البلد حتطيــــــر

و الحالة حتبقي كرب اكتر ما هــــي مكروبــــة

و قالي النكتة دي

واحد بتاع بطاطا معلق صور : عبد الناصر و السادات و حسني و ولده جمال

فواحد سأله : يا عم انت ليه حاطط معاهم صورة جمال مبارك ؟

بتاع البطاطا رد و قال : اصل ده شريكي علي العربية

يعني ايه شريكه علي العربية ؟

يعني هو و اخوه ماسكين اقتصاد البلد كله في ايدهم و لو حصل لهم حاجة او محكموش حيهدوا المعبد فوق روس الجميع

هكذا يـفكر المصريون قرائي الاعزاء في مسألة التوريث

فعلا ً الفقر مذلة ليس بعدها مذلة

عجوز هامدة

فيم تفكر هذه العجوز

التي أضناها الزمن ؟

و قد جعلها - كما تبدو لي - في

حالة إستسلام تام

مصحوب بجراح غائرة

جعلها أشبه بالجثة الهامدة

يا تري الصُدف الكتيرة دي ليها تفسير ؟

انا مش عارف ليه باشوفها كتير صدفة

من غير مواعيد علي طول الاقيها في وشــي

دايما ً هي و ابوها ماشيين مع بعضهم بالليل

يجيبوا العشا او يشتروا حاجة

مش عارف ليه لما باشوفها بافرح و ازعل

يمكن لاني في يوم لما حصل و كلمتها كنت باعتبرها زي اختي الصغيرة لاقيتها كويسة جدا ً و طيبة اوي و ذكية

زيها زي اختها الكبيرة اجملو اطيب انسانة قابلتها

حصل صدفة برضو و قابلت ابوها و اتكلمت معاه لمدة بسيطة بس أثر فيا كتير و حسيت ان الدنيا بخير

و حصل صدفة برضو و شفت والدتها و فيها ابتسامة الناس الطيبين اللي تقريبا كنت قربت انساها من زمان

انا باحس بالعيلة دي فيهم خير

بس برضو مش عارف ليه لما باشوفها بافرح و بازعل

هل لاني غلطت فيها مرة في لحظة انفعال ؟ و هل لاني حاولت اصالحها اكتر من مرة و هي رفضت ؟

انا من طبعي مبحبش اغلط في حد او ازعل حد مني خاصة لو كان الحد ده انا عارف انه كويس و طبعا محبش اخسره

هل عشان كدة انا بزعل و اتضايق

المشكلة اني كل ما اخلاص انسي كل ده ارجع و اشوفهم تاني صدفة .. ده حتي مش ف الطريق و بس

لأ بيطلعولي في الأحلام كمــــان

انا مش عارف ده ايه تفسيره .. بس اللي انا بحسه كل مرة ان العيلة دي اهلي

علي مرمي نظرة - قصة قصيرة

بقلم الأديبة : نارة

أسمع نبض حركاتك على مرمى نظرة مني. تسهر وحدك تذيب الوحدة نور الشمع بعينيك، أسألُ نفسي هل من الممكن أن تعكس الشموع نور العين!! نعم أرى الشمعة عينيك، أينما تلتفت تنير حولك. لا تغضب سيدي من تلصص أوردتي على جدار قلبك، ما بالي أكاد أُجن بك. تُطيلُ السهر وأنا بالنافذة التصق، وجهي بالزجاج يختنق. غبي هذا المهندس الذي رسم بيتك. أما استطاع أن يسحب خط نافذتك هنا قريباً إلى بيتي، فزاوية غرفة النوم لجارنا الحداد تجرحُ صورتك في عيني، أراك بشكل مستطيل، هذا المستطيل المضيء هو الذي يصلني منك. تلك الزاوية اللعينة أسقمتني. لكن مهلاً ماذا تفعل ملتصقاً بكتابك، عن ماذا تقرأ؟ ولمن تقرأ؟ هيئتك الأسطورية ببدلتك الداكنة وربطة العنق التي تخنقني إذا حركتها يمنة ويسرى، وهذه الذقن خفيفة الوخز على خدي، وحذاء الكلاسيك الأسود الذي يداهم انتظاري على حافة النافذة، بانتظار عودتك لحيِّنا ولفانوسك السحريّ أيها الجنيُ الخطير، هذا كله يخولك للقراءة لجابريل غارسيا ماركيز، أرنست همنجواي، سيمون دي بوفوار، ألبرتو مورافيا أو كولن ولسون. لا بل ربما تذوب شوقاً لكتابات أنثى. نعم هناك من يحبون قراءة المرأة، هي أنعم، هي أقرب، تكاد تذيب عقلي أيها الرجل المحنط بروحي. هل تقرأ مستغانمي، المرنيسي، أم تشدك رضوى عاشور. نعم جديرات هن بالحب ولمِ لا وهن الأدب والثقافة والجمال، و، و، لا أدري ماذا. لعمري كم أهوى أن أمسك تلك اليد نافرة العروق، هذه الأوردة التي تتمهل عندها سيارة قلبي. هل هي دافئة؟ أم باردة، برودة مشاعرك تجاهي. ترى هل تراني؟ هل مر بك طوفاني؟ لا يمكن، لأن رذاذ نار، في نفسي إذا طال فقط مداخل قلبك، صدقني لن تعد ترى في الدنيا إلاي.كتبٌ كثيرة أراها تتربع على عرش رفٍ في غرفتك، تغيظني تلك المُجلدة بحبك المنقوشة بحرصك، أراك تعاملها كأنثى جميلة بحساسية بالغة ورومانسية مُطلقة. نعم كتبك تُناظرني بنظرة أكيدُ لها، تقهرني وتقول لي نحن لا أنت. ما شكل وسائدك؟ هل خالية هي أم استنشقت من العطر الأنثوي حد الثمالة. تسمع أنت لشوبان، لا يروقني كثيراً لحن الغرب، لكن تجدني أتمايل طرباً بألحان أحمد شفيق كامل بصوت الخالدة سومة في إنتا عمري. غريب أنت تجمع بين موسيقى شوبان وسحر الشرق.عن إذنك يجب عليَّ الانسحاب لأن لدي مهمة صباح الغد. ومن سيُناضل لكي يحصل على لفتة من عين عسلية وبشرة خمرية. سوف انتظرك قرب الياسمينة علك تراني فتنسى السَكينة

نقلا ُ عن منتديات إيثار

مداخلتي في الحوار مع د. شيماء عرفات عضو الهيئة العليا لحزب الغد

في البداية أرحب بـــ د. شيماء عرفات . و لي تعقيب و مجموعة أسئلة أرجو أن تكون إجاباتها وافية

أما التعقيب

فبخصوص السؤال الذي طــُرح حول دينية الدولة ، و المرجعية الدينية في الحكم . و هو السؤال الذي يــُثار كثيرا ً ، و يــُجاب عليه كثيرا ً ، و رغم هذا فإنه يكاد يكون ، بل هو بالفعل ، سؤال أساسي ، يــُطرح في هذا المنتدي ، و في أروقة الحزب ، و مؤتمراته ، و من المفترض - في رأيي - بعد كل هذه المدة الغير قليلة ، أن لا يــُطرح من الأساس ؛ لأن طرحه بصورة دائمة ، ليس كما يتوهم البعض فرحاً أنه رغبة في المعرفة قدر ما هو بيان لا شك فيه عن تقصير الحزب في جانب مهم جدا ً ، ألا و هو جانب التثقيف ، و التوعية السياسية ، و في رأيي أن هذا دليل تخبط يعاني منه الحزب ، يستلزم من القائمين علي الحزب الإسراع بحله إن كان هناك بقية من أمل

و أقول في هذه المسألة

أولا ً : أن الدولة ، أي دولة ، تشتمل علي عناصر سكانية متباينة إثنيا ً ، أو لغويا ً ، أو ثقافيا ً ، أو دينيا ً ، أو فكريا ً ، و هو ما يعني إنه من

الصعوبة توحيد كل الآراء ، و صهرها في بوتقة واحدة لصالح الوطن ، إذا كانت هناك مجرد شبهة في محاباة طرف علي حساب طرف ، أو عنصر علي حساب عنصر ، أو طائفة علي حساب أخري ، إذا كانت هذه الدولة تنشد الإستقرار و السلام . من هنا كان يجب علي الدولة أن تكون محايدة تجاه كل الأطراف هذا أولا ً ، و أن تلتزم تجاهمم بدستور يشاركون جميعا ً في صياغته بالتراضي بينهم ، هذا ثانيا ً .

ثانيا ً : موقف الحياد الذي يجب أن تتخذه الدولة لابد أن يكون حيادا ً من كل الأوجه الديني منه و الدنيوي ؛ حتي لا يكون أكذوبة يشدو بها الجميع ، و تنقلب في النهاية الحفلة إلي مأتم . و هو ما يعني أن الدولة حين نتعامل معها أن نتعامل معها علي أنها شخصية إعتبارية ، و الشخصية الإعتبارية قانونا ً ، لا صفة لها

ثالثا ً : بناء علي ما سبق فإن القول بدينية الدولة ، أو قيامها بناء علي مرجعية إسلامية هو شئ من العبث ، و المزاح الثقيل ، و اللعب بالعقول و بالعواطف ، و هو شئ يأباه المنطق السليم ؛ لأن الأديان ما نشات لتنشئ دول ، و ما ينبغي لها هذا ؛ حفظا ً لها و صيانة من ألاعيب السياسة و مكرها و حيلها ، و إنما الأديان هي لخلق فرد صالح ، و مجتمع صالح ، و ليس لخلق سياسة مؤمنة ؛ فالسياسة تفشل حين تكون مؤمنة ، هذا ما يثبته التاريخ ، و تكفي فقط المراجعة في التأريخ الإسلامي لمواقف آل البيت العلوي الذين تعاملوا مع السياسة من منظور أخلاقي بحت فكانت النهاية مؤلمة و فاجعة و فاشلة كل الفشل

رابعا ً : إن المعني في الدستور في المادة الثانية هو مبادئ الشريعة الإسلامية ، و ليس أحكامها . و شتان الفارق بين الأولي ، و الثانية

الأولي المقصود منها هو : - حماية الارواح و الممتلكات و حرية العقل و الفكر و المُعتقد .. و هي مبادئ عامة تجوز لكل زمان و مكان سبقت في عظمتها و روعتها الإعلان العالمي لحقوق الإنسان . أما أحكام الشريعة الإسلامية فهو ما نرفضه في الدولة المدنية شكلا ً ، و موضوعا ً ؛ لأن الأحكام التي سيتم الإعتماد عليها في هذه الحالة ، هي إجتهادات فقهاء عظام في عصور سابقة لا تناسب العصر الذي نعيشه ؛ فهي في حال العمل بها تكون ردة إلي القرن الرابع الميلادي ، و من ثم فهي لا تلائم عصرنا بمُتغيراته و ثقافته الجديدة هذه واحدة ؛ و لأن تطبيق أحكام الشريعة بأي إجتهاد لأي عصر ، حتي لو كان عصرنا الحاضر ، فيه تجميد للدين نفسه ، و يمنع الإجتهادات ، و لنا هنا سند من التاريخ ؛ ففكرة تقنين الشريعة ظهرت أيام العصر العباسي ؛ فالخليفة أبي جعفر المنصور لما اتسعت حدود الدولة أراد أن يوحدها بقانون واحد فأحضر الإمام مالك و طلب منه التعهد بهذا الأمر ، فرفض مالك ، و نفس القصة تكررت مرة أخري مع أبي حنيفة و رفض أيضا ً ؛ لأن في هذا إنتقاصا ً من شأن الدين ، و لعبا ً به ، و هو ما فطنوا إليه ، و ما يُحمدون عليه

إذن فلعل ما سبق يفض الاشتباك بين العلاقة بين الدولة و الدين ، و أن الدولة ينبغي أن تكون محايدة حتي بالنسبة للدين ، حتي لا تكون فتنة في الأرض ، و يُستبد باسم الدين ؛ بعبارة أخري هذا هو المعني الذي نقصده من أن فصل الدين عن السياسة هو صون و حماية للدين من عَبث السياسة . بعبارة أخري الدين خير و السياسة شر ، و خلط الدين بالسياسة أشر ، و فصلهما فيه الخير للدين و للسياسة معا ً ، و للمحكومين أيضا ً

لمزيد من المتابعة

منتدي الغد اونلاين

لوحة موت سقراط

لوحة موت سقراط للفنان الفرنسي جاك لو ديفيد

هكذا يودع أصحاب الرسالات العالم

منقول عن منتدي إيثار

الجُب - قصة قصيرة - محمد مُستجاب الإبن

الحقد دمر قلوب الإخوة .. و الحب أوقع زليخة في المعصية .. و البراءة أدخلت الذئب التاريخ .. و الإيمان رد ليعقوب بصره .. و يوسف

جاهد للخروج من الجُب كي يمتطي الحب ليصل للإيمان ..

- إنتهت -

مجلة الثقافة الجديدة العدد 203

رجعت بعد طول غياب ..

رجعت بعد طول غياب .. و باوعدكم باذن الله أكون معاكم كتير اوي الفترة اللي جاية ..
ربنا يسهل .

مدام كوثر .. لك ِ التحية

الأمهات كثيرات و لكن من يمارسن فعل الأمومة قليل . هكذا يكون مفتتح حديثي عن سيدة قدوة ، نموذج إستثنائي للمرأة متعددة المواهب الطموحة و المسئولة ربة المنزل و مربية الصغار و البارعة في مجال العمل .

مدام كوثر هي زميلة لنا في " كورس الكمبيوتر " و هي و إن كانت أكبرنا سرنا لكنها أكثرنا حيوية و نباهة و تألقا ً و أكثرنا حرصا ً علي الالتزام بالواجبات و علي الاهتمام بتجويد مستواها أولا ً بأول فكم أفادتنا بمداخلاتها التي تضيف لنا الكثير و تجعل لسان حال المحاضر يقول لنا : تعلموا من هذه المرأة الايجابية و الفاعلية . هكذا اقرأ في تعبيراته كلما طرحت سؤالا ً حول موضوع الدراسة .

هي سيدة متزوجة و لديها طفلين – منار و ماجد – و مديرة بمصلحة الضرائب تستعمل مع الناس ارقي طرق التعامل و تضع نفسها مكانهم فتكون بذلك من عباد الله الذين يسهلون للناس قضاء حوائجهم دون ان تفخر بهذا أو أن تعمل دعاية لحسابها فهي تري أن من حق الناس علي المسئول أيا ً كان موقعه أن يخدمه هذا المسئول بأهداب عينيه .

و هي نموذج أمثل للمرأة العاملة التي تراعي التوازن بين طموحها و مسئولية اسرتها . كان من الممكن ان ترتقي في عملها الي مواقع متقدمة لكنها فضلت ان تقنع بالمستوي الذي وصلت اليه الآن حتي لا يكون هذا علي حساب بيتها و زوجها و اولادها .

و هي كأم تشجع ابنائها علي ممارسة الانشطة المختلفة من دينية و فنية و اجتماعية و رياضية و تتمني ان يؤتي كل ما تفعله من اجلهم حرثه .

غير ذلك فهي القلب الكبير الذي يستطيع بابتسامة طيبة و كلمة هادئة ان تجعلك هادئ الاعصاب متزن الانفعالات محب للحوار و الحديث و هذا ما يُسمي بذكاء الانثي .

امرأة بكل هذه الصفات و بكل هذا التحدي و بكل هذا الطموح و كل هذا التعقل هي بالطبع نموذج مشرف لاي امرأة .

اكتب هذه المقالة لان الكورس قارب جدا علي الانتهاء لم يعد باقيا ً غير حصة الغد الاثنين فقط . و في الحقيقة سافتقد اشياء كثيرة جميلة منهم إطلالة مدام كوثر . مدام كوثر .. لك ِ التحية .

محمد مجدي الاسكندرية في 23/8/2007.

مقال منشور بمجلة شبابيك

انتهي كورس ال ICDL

يوم الاتنين 27/8/2007 انتهي كورس ال آي سي دي إل .
اللي ابتدا يوم 10/6/2007

الكورس ده انا باعتبره من الاشياء الصح اللي عملتها من فترة كبيرة جدا ً.

و الكورس ده له معايا ذكريات جميلة جدا ً . و بعض الذكريات اللي مش جميلة اكيد و مش حقدر انساها طول حياتي لانها كانت شئ مفاجئ بالنسبة لي طبعا من الحاجات دي مسألة تكفيري .

في الكورس ده . جذبني جدا اسلوب التعليم اللي بيعتمد علي المشاركة و الحوار و التفاعل الايجابي بين المُحاضر و الطلاب بعيد عن الاساليب التقليدية العقيمة اياها و عرفت الفرق بينهم اد ايه كبير .
يمكن الاحساس ده مش مجرد احساس مني و بس . لأ ده يمكن يكون هو كمان احساس زمايلي . و الدليل اننا كنا لازقين في كراسينا مش هاين علينا نمشي و زعلانين ان الكورس انتهي .

المُحاضر نفسه أ محمد حسن . خلوق جدا ً و متحضر لابعد مدي . عرفني ان لسة في اخلاق في البلد دي .
مدام كوثر . ست ب 100 راجل اتعلمت منها الطموح و المسؤلية و البساطة . لدرجة اني كتبت عنها مقالة اتنشرت في شبابيك و حنشرها هنا بكرة باسم - مدام كوثر لك ِ التحية .
المقال اعجبها جدا و تأثرت بيه جدا لدرجة ان الدمعة فرت من عنيها
و اصرت علي انها لازم تطبعه كذا نسخة .

باقي زمايلي حوصفهم في كلمة او اقول انطباعي عنهم .

ابراهيم حسوبة : لا انكر نك شخصية ظريفة و لكن لا تتصدي لاشياء هي اكبر من ثقافتك .
وليد : او الشيخ وليد زي ما بيحبوا ينادوك بيه . اذا كان الاسلام من اهدافه الكبري تهذيب السلوك فليه يا عم
في الامتحان بتغش .
مصطفي : دماغك نضيفة بس عيبك انك بتحاول تهاود اي حد و ده غلط عليك فيما بعد .
عمرو : انت عمرو الطلخاوي و لست عمرو بن العاص .
شوقي : شكرا انك كفرتني جهارا ً و لم تعلم انك ارتكبت ذنب عظيم . انصحك بقراءة كتاب فتنة التكفير لشيخكم الالباني
عشان تعرف اد ايه انت غلط .
بيشوي :
بسبب دفاعي عنك في اول ايام الكورس لما حبوا يتريقوا عليك عشان انت مسيحي خدوا موقف مني . لكن لما عرفتك اكتر مزعلتش من موقفهم مني لان فعلا الانسان الكويس كويس بغض النظر عن ايه دينه .

مجموعة بنات كلية التربية
دينا هدير نهي مني يمني

انتم بنات محترمين فعلا ً و ولاد ناس و مش بنات هايفين
فرحت جدا ان لسة في بنات زيكم عندهم شعور حلو نحية الناس المحتاجة
علشان كدة اشتركتوا في اسرة رسالة
معرفتش اسلم عليكم اخر يوم لاني كنت مشغول بالبطاقة اللي ضاعت مني

انا عارف مفيش حد من توع الكورس حيقرا الكلام ده .
بس انا يعني عامل ليه خانة اسمها يومياتي .
عشان طبعا افضفض و اقول اللي معرفتش اقوله او اللي كان نفسي اقوله او اللي قلته و مش عاوز انساه

عرفت قيمتك يا نت

ال 3 ايام اللي فاتت النت كان فاصل عندي . بصراحة كان فصل النت من اسباب وجع دماغي و من الحاجات اللي مزعلاني جدا اوي خاااااالص لان النت اصبح حاجة اساسية جدا بالنسبة لي
.
مأدرش اتخيل يوم يعدي عليا من غير ما افتح المسنجر بتاعي .

و اشوف بريدي الالكتروني .

و اكلم حد من معارفي و اصحابي .

او اقرا حاجة .

او اعمل سيرش علي حاجة .

او اكتب حاجة و انشرها .

انهاردة منذ ساعتين و بس .

النت اشتغل تاني . و باذن الله حعرف اكتب عن اللي معرفتش اكتب عنه ال ايام اللي فاتوا

علي الشاطئ

كان الفتي جالسا ً علي الشاطيء فارشا ً جسده علي الرمال الساخنة و حوله عائلته يلهون برمال البحر منهم من يبني القصور و منهم من يجري وراء الاخر محاولا عرقلته علي الرمال وسط ابتسامات وجو ترفيهي جميل .

و فريق اخر منهم يتسابقون في مياه البحر الجميلة و يرشون بعض بمياهه .

لكن فتانا في عزلة عن كل هذا الجو الصيفي يجلس في ملكوت اخر يخالونه وحيدا ً لكنه في الحقيقة في حالة استدعاء لحبيبته يتذكر وجهها و المواقف التي بينهما و الوعود التي قطعاها و الامنيات التي لا يعلمان هل سيحققها الزمن ام لا ؟

الخوف يجتاح عقل الفتي من المجهول و يخشي ان لا تتحقق الوعود الجميلة خاصة و ان هناك بعض القيود التي تحول بين الحبيبين ، قيود مكانية ، و قيود مادية ، و الاهم قيود تقاليدية يخشي ان تضعف امامها ارادة محبوبته و تستسلم .

امه ترقبه من بعد خطوات و هي تجلس خلفه تغزل بنولها البسيط مفرشا ً صغيرا ً رقيقا ً و هي حائرة في امره و في وحدته تحس ان في الامر انثي لكنه ابنها المتعب الذي لا يبوح لها باسراره الشخصية .

تفاجأه : لماذا لا تنزل البحر معهم . . فلتنزل لتتمتع بهذه المياه الجميلة .
يرد : مش عاوز . مليش نفس لها . مبحبش انزل
انا مستريح في القعدة كدة

تقول له : يا ابني هو في بحر من غير ما تنزل المية .

يكتم غيظه من اعادة طلبها له مرة اخري و يقول : مش شرط يعني المهم ان اكون سعيدا .

يتحايل عليه بعض اقاربه في النزول . يرفض .
يتحايلون عليه و يصرون .
لا يملك الا ان يرضيهم .
يتجه نحو شط البحر
تبتسم امه لان ما تريده سيتحقق . و ينظر بخبث فريق من اقاربه الشباب يقفون فوق مرتفع رملي قليل
يضع الفتي قدميه في البحر و ينظر الي ابعد نقطة فيه .
يشعر بحلاوة المياه و كاد ينسي خوفه من البحر و اعترته رغبة مفاجئة في العوم حتي ابعد مدي يستطيع الوصول اليه .
و بدأ ينسي تفكيره في حبيبته .
و بدأ يغوص اكثر في المياه حتي وصلت الي منتصف جسمه
و الكل سعيد بانه سيشاركهم العوم و سيدخل اليهم في اعماق البحر

و فجأة عاودته صورة حبيبته فاستدار و في سرعة جري نحو الشط برشاقة غزال لائما نفسه علي انه للحظة قصيرة نسي حبيبته
نظر الي اهله و امه نظرة عتب و وداع
و مشي مشرقا ً نحو حبيبته معطيا ً ظهره لكل اهله
ساعتها وصل للنشوة العظمي

نص حواري في حركات شباب

بسم الله الرحمن الرحيم

ربي لاتكلني إلى نفسي طرفة عين وأجعل القرآن ربيع قلبي وعقلي وسنة نبيك محمد نور دنياي ..

النهاردة يوم هيتسجل ف التاريخ بالنسبة ليا لاني هقدم برنامج عن الشباب من شاب زيكم بيحس بيكم وبهمومكم وبيعيش نفس التجارب هو مش ملاك زي مانتم فاكرين هو بشر ومن كان مناَ بلا خطيئة فليرمها بحجر وانا لاأملك هذا الحجر بل هي التي رمتني بأحجارها ،واجهت غلط كتير: واجهت نفسي ومرة واجهت الشيطان ومرة واجهت الباطل عشت ف صراعات كتيرة وبردو انا زي زيكم ويمكن أقل منكم ..نسيبنا من دا كله وندخل في صميم موضوع حلقتنا واللي بشوفه البداية الحقيقية للبرنامج اللي فكرتله انه يكون زي اي حاجة ف الدنيا بتبدي بأطوار قليلة ثم اكبر فأكبر لغاية ماتنفجر بس مش ف وشكم طبعا

.

-1-

(1)هنتكلم عن احنا ايه في البيت وبنمثل ايه بالنسبة لبابا وماما (بابي ومامي /أبويا وامي/ الحاج والحاجة /داد آند مام) المهم انهم اتنين وخلاص ..اول ماتولدنا وخرجنا للنور الزغاريد ملت البيت والجيران جم يهنوا ولو كنت انت تالت ولد ييجي على التوالي ممكن أهلك يسموك إسم بنت زي سلوى او فتكات عشان الحسد والناس تقول يالهوي 3 دكرة في بيت واحد ..تفكير متخلف ولو طلعتي تالت بنت يكشر عن أنياب غضبه ويهرب من مواجهة مراته ماعدا في حالة جماع آخر بين الزوجين عشان يجيب الولد اللي بيحلم بيه ..ويعملولك سبوع وأعياد ميلاد وخروجات ليل ونهارمرة للسندباد ومرة لجنينة الفسطاط اه طبعا ماهو جيلنا ماكنش فيه ايامه دريم بارك ولا حديقة الازهر ..وتدخل على ايام الاعدادية بقى وسيادتك جايب شعرك على جنب بشويتين مية عاملي فيها عماد حمدي ومسرحه بمشت من ابو 15 قرش اه ماهو ماكنش فيه لاجيل ولا الفرشة السلك أيام بقى ..امك تقولك احجز درس عند ابلة علية بتاعت حساب وعربي ودراسات وانجليزي وعلوم وخط كمان يلا محدش واخد منها حاجة وتقابل البت ناهد في الدرس وعاملالك شعرها كله ضفاير وشها مش باين من كتر الضفاير- وانت مسهوك ياخويا مرة واحدة ميس علية تقولك خمس تفاحات عاوزين نوزعهم على 3 كل واحد هياخد كام ؟- كل واحد هياخد واحد ونص برتقالة - برتقالة جبتها منين احنا ف سوق العبور هنا ياواد (وتنزل بالمسطرة الخشب ام 30 سم وعلى ضوافرك اللي مش نضيفة كالعادة )..وتيجي البت ناهد زعلانة ياعيني عليك وعمالة تقرقض ف ضوافرها وتلعب ف ضفايرها هايمة ولهانة ..اتفوا عليكم الاتنين عاوزين الحرق ..ندخل على الثانوية العامة ههههههههههههههههههههههههههههههاولى ثانوي يالهوي على دي سنة العيال بيعلموا نفسهم وناسيين ان في مدرسة ومدرسين وكل واحد وخبرته ف الحياة اللي مابتخرجش عن اطار الجنس والشتايم القذرة والبت الي معلقها من مدرسة الخديوي اسماعيل الثانوية بنات ..وتلاقي كل واحد سايب استاذ بطرس بتاع الكيميا الغلبان ياعيني يشرح ومالي السبورة معادلات وبيتحدوا بعض في ايه تخيل معايا كدا ..كل واحد يقول للتاني انا والله بعرف اعمل اللي بالي بالك 5 مرات في اليوم ..- يمين بالله انا بعرف اعملها خمس مرات ورا بعض من غير ماتعب او اريح ..يانهار اسود ع الكلام شوفوا بيتحدوا بعض على ايه والله العظيم حصلت معايا ف المدرسة يعني ولا حياء ولا دين ولا اخلاق والكارثة انهم اجروا التحدي ف الفصل قدامي والله العظيم يخرب بيوتهم ..عرفتوا ليه مصر مليانة بشر ..هههههههههههههههههههههههههههههندخل على تانية وتالتة علمي ولا ادبي يابابا علمي يبني هتدخل هندسة ان شاء الله يارب اشوفك كدا شايل المسطرة الروترينج (وابقى قابلني لو طلبت منه حقها واشترهالك)..وطول السنتين ذاكر يبني ذاكر الله يخرب بيتك روح درس الكيميا روح درس العربي ماتنساش استاذ اسماعيل زكي بتاع الرياضيات وانت ياعيني مضروب بالجزمة شايف اخواتك اللي ف كلية متهنيين واللي ف اعدادي ونازل رايقين (ياريتني كنت معاهم على طريقة فيلم الطريق الى ايلات ) ..وتخرج من الثانوية العامة انسان غريب والله لو دخلت طب بردو غريب ومنطوي والناس مستغربة انت عامل كدا ليه ومش بتعرف تجمع كلمتين على بعض ومفيش اي صلة بين وبينك الحياة انت صلتك بالتعليم وبس ناجح في التعليم فاشل في الحياة ..ولو دخلت تجارة ولا حقوق هتدخلها فارد دراعاتك وواثق من نفسك وتعمل اشياء كارثية وتحب روميساء اللي ف كلية الآداب(محدش يفهمني غلط ..هههههههههه)وتخرجوا مع بعض وتروحوا الفسطاط او الميرديان وليكم مكان مخصوص هناك والراجل بتاع الشاي يرخم عليك عشان تقبضه فلوس ويسيبك براحتك او ربنا يوعدك بعسكري قال ايه عشان الحفاظ على المكان العام من البلاوي الي بتحصل فيه ياخدله قرشين بعد ماكان شايفك بتبوس حبيبتك وبيقولك هعملك محضر ويسكت بعد مايقبض ويتكل على الله ويسيبك هو دا النظام الصح الله الله يابلد ..نصحى الصبح ندب خناقة مع ابونا عشان الفلوس اللي مش راضي يديهالنا ونمشي على الكلية اللي مش بنحضرها اصلا اما اننا نروح مع زمايلنا ونشرب اي حاجة او مع البت حبيبة قلبه اللي وعدها بالزواج اول مايخلص تعليم ويبقى راجل اد الدنيا كمان ..وتتنازله عن حاجات كتير في سبيل انه زوجها في يوم ما قادم ..هنستغفر ربنا على البلاوي دي ونتوب ودقننا تكبر اوي اوي ونمشي نشوت ونلعن كل إمرأة ماهي بقت شيطان على هيئة انسان وكل مافيها محرم ولايجب التقرب من وسواسها ..ونوعظ الناس بالعصا والجزرة والناس تهللنا وتقول الله ونعم التقوى ونكبر ونكبروتكبر احلامنا العكسية اللي ظهرت مرة واحدة على السطح ..ممكن نرجع تاني ونحلق الدقن ونغير الجلابية القصيرة بت شيرت بادي وجينز متسقط عادي جدا وكنت بشوفها ف الكلية والله وكنت بشوف واحدة زميلتي الله يهديها يوم بنقاب ويوم بالجينز والبادي النص كم واليوم اللي بعديه خمار واللي بعديه بلوزة وجيبة واللي بعديه إسدال ..ههههههههههههههههههههههههولسة بنلف ف الدواير وتايهين طب والعمل ..وبكدا خلصت فقرتنا الاولى وهكملها في الفقرة الاولى من الحلقة القادمة ومعانا الحلول المقترحة ان شاء الله ..الفقرة التانية بقى

-2- ً

هنستضيف استاذ محمد مجدي وهو خريج اداب جامعة الاسكندرية كان مدير يوماً ما وهو لم يكمل عامه الثاني بعد العشرين شخصية قيادية جريئة ثورية واجهت مشاكل كتير اخرها ان بعض زملاء الكورس بتاعه كفروه -استغفر الله- اي والله ربنا يسامحهم بقى ..؟

في البداية احب ارحب بيك يامحمد يامجدي وانا بعتز بيك من الناحية الشخصية ويارب تكون لمست دا

لمست دا ..في البداية احب اتكلم معاك عن صباك وصغرك ..؟

في الأول أحب أوجه التحية لجميع أعضاء منتدي شبابيك – الرائع فعلا ً بكل المقاييس ، و اللي باعتز بيه جدا ً و باعتبره نواة لشئ مهم و مؤثر قادم في الطريق بكل قوة . و بالطبع بأشكرك علي ثقتك فيا ، و أني أكون ضيفك في أولي حلقات برناج حركات شباب . و فعلا ً القلوب عند بعضها لاني باعتز جدا ً بيك و أحب أهنيك انت و محمد بربر و سمر سيد – بنت مصر – علي التأهل لنهائي اكاديمة شبابيك التالتة . فعلا

و يلا نبتدي كلامنا عن صبايا و صغري

وانت صغير ايه هو اقبح إثم ارتكبته ومحدش عرفه غيرك وكنت حاسس انك عاوز تدفن نفسك بعدها ؟

هي الاسئلة من بدايتها كدة . يا عم انا كنت صغير يعني مفيش عليا حرج . و احنا صغيرين بنعمل اي حاجة و كأنها هي الشئ الطبيعي عشان كدة الحمد لله مكنتش عاوز أدفن نفسي لأني أعتقد اني معملتش آثام ساعتها إلا إذا كنت بوست زميلة ليا في الابتدائي . بوسة اخوية طبعا

إحساسك بالذنب بيوصلك لانهي درجة يامجدي انك تجلد نفسك وذاتك طول الوقت ولا بتعمل ايه بالظبط ؟

أنا قد أكون بجلد نفسي طول الوقت و ده لأني بأسعي دايما ً لتطوير نفسي و معني الاحساس بالذنب عندي مش شرط اني اكون عملت شئ شنيع . بل هو مستويات مختلفة فانا قد آمل في الوصول لدرجة معينة في شئ ما و يخيب ظني فأراجع نفسي كثيرا ً حتي أصل للحل الذي يرضيني و يجعلني أكثر قوة عن ذي قبل

افتكرلنا مرة كدا كرهت فيها نفسك ومع ذلك وصلت معها لحل وتصالحت معاها ؟

.انا لا أكره نفسي . لكن ممكن تقول : بأزعل ساعات من نفسي . و المرات دي كتيرة متعدش . منها مثلا ُ أني في فترة من حياتي وقعت تحت تأثير واحد نصاب . و تقريبا ً كنت لاغي عقلي . لكني فقت مرة واحدة و راجعت نفسي و من ساعتها قررت أني مصدقش أي حاجة و لا أثق في أي أحد بسهولة إلا بعد ما أفكر تمام التفكير بعقلي و الحكاية دي أعتقد انها ساعدتني كتير علي اني اعرف ازاي يكون لي تفكير مستقل و رأي مستقل . فشكرا ُ ألف شكر لهذا النصاب

مرة والدك عارضك فيها وانت اقنعته برأيك بالرغم انه كان رافض وبشدة ؟

كتير جدا ً متعدش . مشكلتي مع والدي اننا احنا الاتنين عنديين . و اننا اسلوبين مختلفين تماما ً في التفكير . حاجة كدة عاملة زي الاقتصاد الموجه و الاقتصاد الحر في صورتهم الاصيلة . هو دايما ً عاوز يخطط لي حياتي بالورقة و القلم و انا عاوز اخططها بالشكل اللي انا عاوزه . من المرات دي إنضمامي لحزب الغد . كان معارض له و بشدة ، و لمدة طويلة . لكنه علي الرغم من عدم إعترافه بكدة رسميا ً : كان مستجدعني . هو رفضه في موضوع زي ده كان بسبب خوفه عليا و ده شئ طبعا انا احترمه

في الثانوية العامة ايه اكتر حاجة كرهتها؟

طول مدة الدراسة . و المناهج العقيمة اللي كلها حفظ و بس . كأن معندناش عقل . و طبعا ً أساليب بعض المدرسين في التعامل مع الطلبة و هي أساليب تنتمي للمدرسة الشمولية اللي بتحكم حياتنا في مصر كلها لسة . لكن انا كنت باعمل اللي انا عاوزه غير مبالي باي تخويفات او تحذيرات و الحمد لله دخلت الكلية اللي كنت باتمناها و باكتر من المجموع المطلوب . رغم اعتراضي اصلا ً علي فكرة التنسيق بالشكل اللي بتتم بيه

ايه اللي كان حلو زمان ونفسك ترجعله؟

لمة صحابي . و لعب الكورة . اتفرقنا بسبب ضغوط الحياة و كل واحد ابتدا خلاص رحلته في رسم خريطة حياته كما يتمناها أو ربما كما تمليها عليه الظروف .

بالنسبة للكريمة والدتك تفتكر علمتك ايه حلو فيك وهل بتحبها اكتر من والدك ولا لأ ولماذا ؟

أهم شئ علمتهولي . حب الانسان مهما كان إختلافه . شئ علمتهولي بعفوية شديدة بعيدا ً عن اسلوب التنظير و الخطابة . علمتهولي عن طريق ظرف واقعي حصل بطريقة رسخت في وجداني معني عميق جدا ً و هو ان الفعل هو الشئ اللي بيدل علي سلوكك و ليس مجرد الكلام بانك كويس و فيك كل اللي ما يتقال غير في الملايكة . ايه بقي اللي علمتهولي ده . و انا في ابتدائي كان لي صديق مسيحي مكناش بنفارق بعض ابدا ً . حصلت ظروف و غبت عن بيتي لمدة شهر و نص تقريبا ً و رجعت تاني بعض الاصحاب حاولوا يوقعي بيني و بينه و نقلوا لي كلام انه بيشتم عليا و اني عشان اخد حقي منه استخدم الفاظ معينة ضده . الفاظ عنصرية تحتقر من دينه . و للاسف وقعت في براثن هؤلاء الاوغاد . عرفت والدتي بالموضوع و عنفتني بشدة و قالت لي ايه مسلم و ايه مسيحي و لا يهودي حتي . هو متربي عنك و احسن منك و من صحابك دول . روح اعتذر له . من ساعتها و انا باحاول تكون نظرتي للاخر ليس علي انه اخر و لكن علي انه اولا ً و اخيرا ً انسان .

في البداية كنت احب امي اكثر من ابي . و لما كبرت و فهمت الفرق بين دور الام و دور الاب باحب الاتنين بنفس الدرجة

جميل عمرك ماهتنساه لبابا وماما طول عمرك؟

اكيد ليهم جمايل كتير عليا . جمايل كانت و جمايل لسة بعيشهها في الحاضر و اكيد جمايل تانية جاية في المستقبل . و كفاية انهم سبب في وجودي معاك دلوقتي عشان اراذيكم .

كنت بتحلم بايه وانت صغير واكتشفت انه هبل ووهم لما كبرت ؟

يا عم أحمد . لو بطلنا نحلم نموت . كل مرحلة و ليها احلامها . و ده شئ طبيعي فيها فما يصحش اني احاكم حلم في فترة الطفولة . لان بالعكس احلام فترة الطفولة قد تكون سبب في تغيير مسار حياة الانسان فيما بعد .

. انا الحلم اللي بيضحكني كل ما افتكره هو اني كنت عاوز اطير زي بن فرناس و بالفعل و انا صغير حاولت اطير . كنت باعلق حبلين متوازيين علي مستوي مرتفع و احط عليه – شلتة – و اتخيل نفسي بأطير . انا دلوقتي اعتقد اني بحاول احقق نفس الحلم لكن بطريقة مختلفة بالتأكيد أكثر واقعية .

هل في حاجة حلمت بيها وانت صغير وحققتها لما كبرت(مع انه صعب ) ؟

عشان اكون واقعي لسة طبعا ً. و ان كنت في طريقي لكدة باذن الله .

هناك اشياء حدثت و تحدث معي اعدها مبشرات لامكانية و واقعية مطلبي في تحقيق احلامي . منها اني كنت احظي بتقدير و ثقة عدد من اهم قيادات حزب الغد بالاسكندرية حين كنت عضوا فيه . و منها إيمان معلمي الاكبر الذي افتقده منذ فترة طويلة – و أسأل الله أن يكون بكل خير – استاذي و اخي / عمار البغدادي بموهبتي و ما ينقله لي زميلي العزيز عماد رفعت من كلمات اشادة من كبار كتاب مجلتنا شبابيك . د/ الباهي جاد . د/ ياسر العدل . الروائي المغربي / محمد لمسوني . و الكاتب المميز / اسلام ابو خليل . و الكاتبة المغربية / صباح الشرقي صاحبة الاراء التقدمية ، و غيرهم . الحمد لله

ايه اللي حصل وقلب حياتك وكيانك مرة واحدةوماكنتش تتوقعه ؟

دخولي حزب الغد كان من اهم نقاط التحول في حياتي . هناك عرفت حاجات كتير و احتكيت بتيارات مختلفة . و عرفت معني كلمة الصراع و كيف هو عندنا ينتهي الي دمار و ضياع و عند غيرنا ينتهي بنجاح . عرفت حقيقة السياسة في مصر . و ان ما يحدث في مصر ليس سياسة و إنما هو شئ آخر بعيد عن السياسة . من هناك تنبئت بمستقبل البلد ككل و يمكن تلخيصه في " ربنا يستر "

كلنا حبينا وهمنا على وجوهنا وإحتكت قلوبنابالحب احتكاك جلد الثعبان الناعم برمال الصحراء الساخنة ..امتى قلت ان الحب دا وهم و مجرد تجربة راحلة؟

الحب هو المحصلة النهائية لكل ما يتصارع من أجله البشر . فإذا كان هناك أي كلام عن تخيل مدينة فضيلة فالمقصود منه مدينة : السلام و اللا أحقاد .

و الحب موجود لا يستطيع أحد أيا ً كان إنكاره . هو غريزة طبيعية عند كل المخلوقات . لكن أحيانا ً نشعر بأنه غير موجود أو أنه كان زمان و انتهي الآن بسبب تسارع ايقاع الحياة و وضوح الجانب المادي و تغطيته علي الجوانب الاخري . و الحب بمعناه البسيط بين الذكر و الانثي .جزء من هذه المعادلة . تنطبق عليه نفس شروطها . و في بعض الاحيان كدت افقد ايماني في وجوده و انه اصبح مجرد سلعة تنطبق عليها معايير السوق . و في لحظة ما عقب التخرج ، كانت حياتي لمدة مش قصيرة ، غير ثابتة و غير مستقرة باختصار فترة من أحلك فترات حياتي شكيت فيها في حقيقة الحب و زاد و غطي عليا فيلم – العشق و الهوي – اللي طرح عليا اسئلة كتيرة منها :

هل يوجد حب ام عِشرة ؟ هل الحب يحدث لمجرد الرغبة في الامتلاك ؟ اذن الواقع يقول لا حب و انما تعود . و اعود لاقول لا الحب موجود بس لانه غالي جدا ً فصعب العثور عليه بسهولة .

سؤال اخير انت عاوز ايه من الدنيا والدنيا عاوزة منك ايه ؟

انا مش عاوز من الدنيا غير انها تحاول تحقق علي أد ما تقدر جزء كبير من مطالب البشر في المطلقات الآتية : الحق . و الحرية . و السلام . و الخير

و الدنيا عاوزة مني و من غيري إننا نكافح و نجاهد عشان نقف بكل أمان علي حدود المدينة الفاضلة

أسئلة الجمهور

عماد رفعت

اهلا بيك يامحمد مجدي نجم اكاديمية شبابيك الثانيه

اولا تفتكر ازاي الاكاديمية الاولي اللي حصلت فيها علي المركز الثاني وتفتكرازاي الاكاديمية الثانيه اللي حصلت عليها علي اللقب وايه يمثل لك لقب"نجم اكاديمة شبابيك الثانيه"

ايه رايك في اكاديمة شبابيك الثالثه؟

إزيك يا عمدة . أفتكرهم بكل خير طبعا ً . الأكاديمة صاحبة فضل عليا لا يمكن إنكاره و لولاها مكنتش باكتب بصفة مستمرة في شبابيك الاسبوعية و لا كنت احتكيت بناس مميزة كتير و بالطبع مكنتش ابقي ضيف الحلقة الاولي من حركات شباب

الاكاديمية الاولي دخلتها و انا في البداية قلق من اني حخرج في الاسابيع الاولي و لكن مع الاسبوع الثالث فيها بالتحديد قلت انا لازم اوصل للنهائي و بالفعل وصلت للنهائي و خسرت بفرق صوت عن زميلي العزيز / حسن يوسف .

الاكاديمة التانية دخلتها من الاسبوع الاول و انا لي هدف واحد و بس اني اكسبها بالرغم من اشتداد المنافسة فيها عن الاكاديمية الاولي بشكل كبير . و الحمد لله حققت هدفي و توجت باللقب رغم ان كان في تكتلات ضدي من البعض لكن في النهاية الجمهور قال كلمته . لم يخذلني لاني راهنت عليه و كتبت لاجله اولا ً مع ان في داخلي كنت اريد التتويج لي

اكاديمية شبابيك التالتة . تخطت مرحلة المراهقة و خطت خطوات واسعة نحو النضج . غالبية المشاركين كانوا بالفعل يستحقوا اللقب حتي من الناس اللي انسحبت . او الناس اللي خارج قائمة العشرة الاوائل .

وايه رايك في النجوم اللي وصلوا للمرحله النهائيه "احمد زكريا وبنت مصر ومحمدبربر"؟

حقول ايه نجوم فعلا ً . و هما بدون اللقب مميزين و مميزين فكريا ً ، و كل واحد منهم له حلم كبير يسعي لتحقيقه ، لكن الفارق الجوهري بينهم و بين غيرهم ، انهم بالفعل يملكون آليات تحقيق الهدف ده ، و إن كان مختلف عند كل منهم .

وتنصح نجم الاكاديمة الجديد بأيه عشان يستغل نجاحه ويكون اللقب فعلا مثمر ومشعدي مرور الكرام؟

إنه ينسي اللقب من تاني يوم يتوج فيه . و أنه كان ممكن جدا ً ميتوجشي بيه . و أن يهتم بكل ما ينفع الناس و يبحث عن مناطق جديدة أو مش واخدة حقها في الكتابة . و يكتب عنها

ونجم الاكاديمة هل بيظهر اثناء الاكاديمة ام النجوميه الحقيقيه بتظهر بعدانتهاء الاكاديمية؟

ليس هناك شرط محدد للنجومية فقد تظهر هذه النجومية أثناء الأكاديمة و قد تظهر بعدها و قد تظهر قبل الاكاديمية – و هي الحالة اللي بتبان اوي في حالة ثلاثي نهائي الاكاديمية التالتة علي وجه التحديد . و اعتقد ان ال 3 حالات ظهروا خلال 3 سنين اكاديمية

كل سنه وانت طيب ومحترم يامحمد مجدي من النجوم الخلوقين كتابه وفكروأخلاقودي اساس الاكاديمية مش قلم بس وانما اخلاق بتأهله يبقي حاملاللقب.

شكرا جدا ً يا عماد . و انت من الناس اللي بحترمهم جدا

yoka

أهلا أهلا مجدىالاول بشكر أستاذ أحمد زكريا على البرنامج كتير مميز

أرجع بقى تانى لمحمد مجدى نجم الاكادمية 2منور طبعا ؟

الله يخليكي . انتي اللي منورة

اول حاجة نفسى اعرفها : إيه حكاية عثل عثل ؟

عثل و لا تفصدي بث بث . عموما الاتنين خطوط حمرا لا يجوز تجاوزها

ايه هو شعارك و هدفك فى حياتك؟

شعاري هو : لا تكن إمعة .

و هدفي : أن يكون لي شرف التغيير في فكر الناس للتخلص من كل ما هو معرقل للقيم الرفيعة و علي رأسها الحرية و التسامح لأنهم بداية الطريق نحو النهضة و التقدم

اغرب موقف مريت بيه؟

اخر موقف غريب مريت بيه . هو تكفيري الاسبوع الفائت . و ان كنت بعدها لم استغرب هذا وسط حالة الجهل و التخلف و ادعاء التدين السائدة الآن

حاجة عملتها ندمت عليها؟

مش باندم علي حاجة .لان الندم افهم معناه انه احتجاج علي ما حدث و كل ما حدث هو خير للانسان سواء ارضاه ام لم يرضه . و انما هو زعل او حزن . و اكتر شئ زعلني اني مرة كنت سبب بكاء انسانة طيبة .

حاجة عملتها حاسس انها اصح حاجة عملتها فى حياتك؟

قراري عدم الاستمرار في عملي في ليبيا منذ عامين حين حاول صاحب العمل الليبي أن يلي ذراعي بشكل قد يحط من كرامتي لاجل المال

و رفضت رغم نصائح زمائلي المصريين – للاسف – بأن أقبل بهذا الأمر لأن الحياة عاوزة كدة

من ساعتها عرفت أن للمصري جزء كبير جدا ً في احتقاره خارجيا

مين هو مثلك الاعلى؟

ليس لي مثل أعلي محدد . بل أني أجد في كل ناجح مثل أعلي لي

و ذلك لسبب بسيط و هو أن النجاح – في رأيي – ليس له طريق واحد بل طرق عدة . قد يكون له اساسيات معينة . و لكن ليس له ابدا طريق واحد .

و بالتالي فتحديدي لنموذج وحيد احتذيه مثلا ً اعلي قد يقع بي في دائرة التقليد فأكون مجرد نسخة رديئة منه . و هو ما لا اسعي اليه . و لا احبه . فانا مع نزار قباني حين يقول : أنا لا أشبه إلا أنا .

سووم

ازيك الاول يا مجدى واخبارك ايه

اية هو الهدف الى عايش علشان تحاول تغير بية الكون او مصر علىالاقل؟

أهلا يا سووم . الهدف اللي انا عايش عشانه . هو أن نكون أمة متحضرة و متقدمة و حرة ، تؤمن بالحريات العامة ، و أن يكون الناس أكثر تسامحا ً في تقبل المخالف لهم أو المختلف عنهم . أمة تشجع التعدد و التنوع .لا أمة تريد من كل الناس أن يكونوا قالب واحد ، لأن الإختلاف و التنوع هما اللذان يساعدان علي روح الإبتكار و الإبداع .

أحمد عمر

محمد مجدى نجم شبابيك 2 اهلا بيك..سؤالى ليكم:..و ان كنت بعدها لماستغرب هذا وسط حالة الجهل و التخلف و ادعاء التدين السائدة الآن . دا كلامك بس اللى فعلا محتاجه منك انى اعرفه هو ايهالثلاثى المرح" الجهل والتخلف وادعاء التدين" طبعاً من وجه نظركم؟!!وبعدين انتاكمثقف عملت ايه علشان تغير فى الثلاثى السابق؟..اتصور ايضاً ان مرحله التكفيردى صعبه جداً ولا يصل اليها الا من وصل بيهم الامر الى طريق الاعوده فالرسول قال "فلقد باء بها احدهما" ...تعليقكم

أهلا ً بيك يا أحمد . سأبدأ ردي من حيث إنتهت أسئلتك . نعم أوافقك الرأي أن مرحلة التكفير هذه صعبة جدا ً و مؤلمة لأن هذه الثقافة حين تسود مجتمع ما فهي دليل ضعفه و عجزه و إبتعاده عن مناقشة القضايا الكبري بايجابية و إنصرافه إلي فرعيات هي في حقيقة الأمر لن تقدم أو تؤخر في قليل أو كثير . إنك حين تُعطي نفسك الحق في أن تكفر إنسانا ً لمجرد إختلافه عنك و عدم رضاه أن يكون دائرا ً في فلكك فهذا معناه أنك تنظر إلي نفسك علي إنك محور هذا الكون و دون أن تدري تكون قدر رفعت نفسك إلي مرتبة الإله الذي يعلم ما يظهر و ما يبطن . قل مثلا ً عن فلان أنه كافر . ماذا سيفيدك هذا . ربما هذا الكافر إن كان حقا ً كافرا ً يهتدي يوم و يكون من أكثر المدافعين عن الدين . كما أن الثلاثي الجهل و التخلف و ادعاء التدين الزائف ليسوا علي الإطلاق ثلاثي مرح بل هم ثلاثي وقح و ردئ أكثر درجات الرداءة . إن الجهل في بلادنا حالة عامة ، و هو الأساس . الناس لا تقرأ و هذه حقيقة . مصادر معرفتهم هي ثقافة سماعية فيما يمكن أن نطلق عليه ثقافة الكاسيت أو الأم بي ثري أو فور ...إلخ و هي ثقافة سطحية تبتعد كثيرا ً جدا ً عن الموضوعية . إذ أن المعلومات الواردة فيها هي انتقائية و موجهة . بينما الأساس في الثقافة أن تكون تجربة ذاتية تعتمد علي عقل المتلقي الناقد حتي يكون هو بنفسه و لنفسه مواقف و اتجاهات تكون منطلقا له في سبيل تعامله مع حياته و واقعه . و حين يسود الجهل فأنت تكون أمام حالة من التخلف و التردي فترفض كل جديد و تتعامل معه بمبدأ الشك و الريبة و الإبتعاد أو الخوف فتنعزل عن واقعك حتي لو لبست أحدث الموديلات و ركبت أفخم السيارات و تعاملت مع متطلبات الحداثة كلها لكنك في النهاية مجرد مفعول به . التخلف باختصار يعني أن تكون مجرد مفعول به و يعطلك علي أن تكون الفاعل هو أنك حين تتعاطي مع واقعك تتعامل بعقلية الماضي . بمعني انك تريد ان تستحضر نموذج الماضي بأكمله إلي الحاضر . و ادعاء التدين الزائف المقصود به أن من المفترض حين تريد أن تستمسك بدينك هو أن تحسن من أخلاقك و ترتفع بها حتي تسمو عن الدنايا و عن أمراض القلوب و ليس كما يفهم الكثيرين التدين علي انه مجرد مظهر خارجي . فكل تدين لا يُحسن من تعاملات صاحبه – في رأيي – ليس تدين . مثلا ً : كيف يدعي شخص التدين . و هو يمارس الغيبة و النميمة و حق اصدار الاحكام علي الناس حدسا ً دون يقين . و كيف يأخذ منك موقف و لا يريد أن يمد اليك يده بالسلام لكنه حين يحتاج اليك يتملقك و ينظر اليك راجيا ان تساعده علي الغش في الامتحان . إن كانت امثلة بسيطة كهذه لا تتعارض مع صحيح التدين فأنا أعتذر مقدما ً لكل من يدعون التدين .أما ما الذي فعلته لاحارب هذا الثالوث فأقول أن المشوار لا يزال طويلا ً و المعركة جد صعبة و المسألة لا تحتاج إلي مثقف أو غير مثقف لمحاربة هذا الثالوث بل هي تتطلب وعيا ً جماعيا ً بأخطار هذا الثالوث . فيكون دور المثقف في هذه الحالة أن يكون محرضا َ للناس بالفكرة و الكلمة و الفعل . المثقفون قلة . و ليس كلهم مهممون بهذه القضية . و ليس كلهم من يحارب فيها بكل طاقته . لكن المطلوب منهم – بعيدا ً عن كونهم مثقفين من عدمه – و المطلوب من غيرهم أن يكون كل واحد منهم إيجابيا ً في محيطه الأسري / العائلي – أو القبلي / محيط العمل .. و كل ما يتعامل معه . ايجابيا ً بمعني أن يصحح كلما سنحت له الفرصة من تفكير الناس و يرشدهم إلي الصواب . المعركة يا عزيزي صعبة جدا ً . و لن يحلها جهد فرد بل هي تحتاج لحل

جماعي . بقدر ما تتسع دائرة المؤيدين لثقافة التنوير بقدر ما يكون حسم المعركة أقرب

محمد حمدي الصياد

اهلا بيك محمد مجدى وكنت عايز اسالك سؤال عادى جدامن انت؟بالتفصيل

أهلا بيك يا محمد . أنا محمد مجدي . مواليد الاسكندرية . خريج أداب قسم التاريخ دفعة 2006 معرفش أتكلم عن نفسي أكتر من كدة . لو عندك عروسة لي مش حتعرف ساعتها تحصلني في الكلام

انتهت اسئلة الجمهور

- احمد زكريا من جديد -

موقف غريب مريت بيه . هو تكفيري الاسبوع الفائت . و ان كنت بعدها لم استغرب هذا وسط حالة الجهل و التخلف و ادعاء التدين السائدة الآن

- و أن يكون الناس أكثر تسامحا ً في تقبل المخالف لهم أو المختلف عنهم

آخر سؤال كدا ف السريع يابو حميد ..هما بيهاجموك من منطلق تدينهم الشديد ويأخذون عليك إنتفاخ عقلك من كثرة العلم في المقابل تقلص وتكلس الوازع الديني لديك .. وأنت تدين إدعاءهم المفرط في الدين وأنهم يمتكلون الوصاية على الشعب بمجرد إمتلاكهم لزمام الدين

قولنا بقى إنت ازاي بتتعامل معاهم مش المفروض انك توصل لحل وسط مانتم كدا دايرين ف حلقة مفرغة ومش هنخلص منها ..وانا شايف انك لسة ماوصلتش للتواصل معاهم بالشكل المطلوب ..اعتبر سؤالي نقطة انطلاق ليك جديدة في التعامل معاهم هتتعامل ازاي بقى؟

أشكرك جدا ً يا أحمد علي سؤالك و نصيحتك في وقت واحد . و للعلم فأنا حاولت الوصول معهم لحل وسط لكنهم لا يسمعون و لا يحاولون ان يصلوا الي نقاط مشتركة . و هذه عادة من يفتقرون الي التسامح الحقيقي

و احب اشكر الجمهور الرائع الذي اعطي للحلقة نكهة مميزة . و اتمني التوفيق لك و للبرنامج

شكرا

احمد زكريا

احب أقول في النهاية ان البرنامج بدأ بداية قوية مش عشاني انا والله بالعكس لأني فعلا عرفت أختار الإنسان المناسب في المكان المناسب في الوقت المناسب وهو أول حلقة للبرنامج ..بيعجبني فيك حاجات كتيرة اوي اولا لغتك وسردك الرائعين جدااااااااااااااااااااااااااااااااااااااااااااا..وفكرك طبعا وثقتك من نفسك القوية وعدم إستعجالك النجاح بالعكس انت اديتني نموذج رائع على الحفاظ على طريق الوصول للنجاح إلى جانب انك ماجنتش على نفسك وحافظت على نفسك وكرامتك ودا بيتجلى من خلال مثال عملك في ليبيا

وأحب أشكر الجمهور الرائع الجميل دا اللي خللى للبرنامج حضور قوي وتفاعلية شديدة نتمناها دوما في اعلامنا المصري عشان نرتقي بيه ونخليه في القمة زي ماكان.

و لنا عودة

-3-

هختم الحلقة بالشكر ليكم جميعا على دعمكم واخص بالشكر محمد حمدي الصياد انه زودني ببعض الافكار الحلوة عن صبانا واللي ساهمت ف خروج الحلقة ..واخيرا احب اقولكم على تجربة مريت بيها شخصيا ..وانا في سنة تانية صحافة كنت بدرب في جريدة صوت الأمة محرر في قسم الحوادث ورحت قسم الخانكة وجبت خبر كدا غريب اوي وهو ماتنشرش على فكرة ..ولد كان بيكره ابوه ودايما معارضه وخناقات يوم من بعد يوم وشتيمة واهانة في والده وفي يوم كدا مرة واحدة جري على المطبخ وجاب سكينة يضرب بيها ابوه اخوه هجم عليه وفاجؤه وانتزع من السكينة ونزل عليه 45 طعنة في مكان واحد تقريبا وهو منطقة الصدر ..إبن من فرط كرهه لابيه كاد يقتله وابن من فرط حبه لابيه قتل أخيه !!للدرجة دي ساءت العلاقة بين الآباء والـأبناء للدرجة دي بنكره وللدرجة دي بيوصلنا حبنا ..هو في ايه بالظبط احنا ليه مفرطين في الحب دايما ومتطرفين في الكره دايما فين الحلول الوسط فين العقل فين الدين فين الاخلاق ..وقبل ماختم اقولكم ان الخبر دا ماتنشرش لان رئيس القسم قالي والواد اللي اضرب 45 طعنة مات ولا لسة عايش قلتله 45 طعنة يا أستاذ قالي مات ولا لأ سؤالي واضح قلتله نسيت اسأل الظابط قالي يلا غور من وشي

انا و لا عارف انا مالي و لا ايه جرالي .. في الحرده

شهر 8 المفروض انه شهر ميلادي يعني المفروض يكون شهر لذيذ عليا و اكون فيه في قمة قوتي و صحتي .
الشهر ده بالذات في اخر اسبوعين بكون موعود معاه بالعذاب - بالتعب
انا بقالي اكتر من اسبوعين عندي برد و ارهاق كبير و بنام كتير جدا ً.

لسة من اسبوعين و انا بعاني من ضربة شمس او بمعني اصح كذا ضربة شمس ورا بعض

اول ما اخف من واحدة و اقول خلاص . التانية تيجي وراها علي طول . بلا اي رحمة .
لحد ما ساعات باحس ان راسي ساحت . و ساعات باحس اني من غير راس .

امتا بقي تعدي يا شهر 8

غدا ً : حركات شباب مع احمد زكريا

لمزيد من التفاصيل

إضغط هنا

اجمل تعليق في اصعب وقت

اجمل تعليق سمعته امبارح من انسان بحترمه جدا و مكنتش متوقع اسمع منه كدة في الوقت الحالي اي كلمة سواء حلوة او مش حلوة لكنه بيثبت لي دايما انه عندو اصل

قالي صديقي العزيز الغااااااالي : علي فكرة كلامك سلس وشيق ربنا يوفقك

ربنا يوفقك انتا يا عم كماااان

أخلاق السواقين

امبارح حصل معايا انا و واحد صاحبي موقف ابن حلال جدا ً
امبارح كنت مستعجل اوي علي الرجوع للبيت عشان مقدرش اصبر علي بعاد مدونتي الحبيبة
كنت عاوز ارجع قبل الساعة 2 باليل
المهم طالعين انا و صاحبي من شارع جانبي علي الشارع الرئيسي و اتفاجأنا بسواق تويوتا - ميكروباص - بيطلب مننا نساعده
عاوز يعرف مننا اصحاب العربية الحمرا و العربية الزرقا يبقوا مين عشان الطريق ده ضيق و سد و هو دخل فيه بالغلط و مش عاوز يتحمل اجرة اليوم لو معرفش يطلع بالعربية لانه معهوش مارشدير

الساعة كانت ساعتها واحدة و عشرة .

المهم قعدنا نخبط علي بابا العمارة و ننده ان حد يرد ابدا مفيش
و زهقنا بقي قلنا خلاص احنا نزق العربية رغم ان في ممطلع شكله غبي جدا
بس يا عم احنا نزقوا بقي و نجيب ناس تزق معانا
المهم زقينا و جبنا ناس و ناس كتير بصراحة جت و ناس اكتر رفضت .

لكن حل الزق فشل . قلنا خلاص نجيب عربية من بتاعت طلع الدبابة يا علي بدفورد - نص نقل يعني تشد العربية بسلبة و امرنا لله

وقفنا ساعة ان عربة تقف مفيش
ان سواق زميل يرضي ابدا
الراجل صعب علينا و ضرب كف بكف و شوية و حيعيط

دا انا و الله علي طول اي حد اشوفه في زنقة اسيب شغلي و اساعده

الراجل صعب علينا و قلنا ايه الناس بقت كدة وحشة ليه محدش ليه راضي يساعد الراجل الطيب ده الغلبان رغم انه
مستعد يدفع اي حاجة يطلبوها منه
المهم قلت له بص يا عم اقف انت علي الطرق من النحية التانية و احنا هنا سمع الراجل الكلام
و نفس الحكاية محدش راضي لدرجة انه اتشعلق في عربية نقل و نفس الكلام

المهم صاحبي لقي واحد جاره معاه عربيته النص نقل و فاضية قالي بكل عنتزة خلاص اتحلت الراجل ده جاري و مش حيرفض و كان حينادي للسواق بتاع التويتا قل حتي ما يكلم جاره
و كلم صاحبي جاره و رفض رفض قاطع لدرجة اني شكيت ان صاحبي ناصب علي الراجل ده

المهم نجحت مجهوداتي في اقناع سواق بمساعدة الراجل ده و صاحبي قاعد يغريه يا عم متخافشي اللي عاوزه حتاخده كأنه حيحسابه من جيب ابوه مع ان صاحبي ده بالذاذت دايما علي الحميد المجيد .

و انضف ما فيه جيوبه

و شدينا العربية بسلبة سواق التويتا صاحب المشكلة و طلعت سلبة خايبة عبيطة اتقطعت بسرعة
المهم قعد سواق التويتا يتحايل علي سواق النص نقل انه يستعمل سلبته لدرجة انه قاله يا عم تنزل معايا دلوقتي و اديلك سلبة احسن من دي بس طلعني و اللي انت عاوزه

المهم العربية و هي طلعة ع المطلع خبطت في عربية كلت جنبها كله

سواق التويتا وشه للاتجاه العكسي و التاني وشه للاتجاه الصح
قوم ايه صاحبنا بيقولي اجيله كام خمسة كويس صح قلت له و الله يا عم دي حاجة بينكم

المهم ركب عربيته و قال للسواق استناني اعدل نفسي و احاسبك
التاني استناه و احبنا ذهب بلا رجعة

خلاني انا و صاحبي ندمنا اننا قعدنا معاه ساعة و نص
دا حتي قبل ميخلع مقلناش شكرا

صلاة عصرية

البنت اللي زي القمر دي بتصلي من غير حجاب و من غير ملابس محتشمة ؟

أنا مش حعمل زي إخوانا إياهم و أكفرها و ألعنها و آثمها ؟ بس أنا حسأل سؤال فقهي بحت و هو هل فعلا ً البنت دي هي اللي صح خاصة إذا كانت بتصلي مع مجموعة من النساء / البنات زيها ؟

ليه متكونش هي صح ؟

الاحد : حركات شباب يستضيف العبد لله

يستضيف برنامج حركات شباب في حلقته الأولي يوم الاحد القادم في العاشرة مساءا العبد لله ً . البرنامج يُعني بقضايا الشباب و يهدف لخلق تواصل حقيقي بينهم و بين أهليهم

يعد البرنامج و يقدمه الزميل العزيز أ / أحمد زكريا . و هو خريج كلية إعلام حلوان و يعمل محررا ً بعدد من الصحف و المواقع الالكترونية .

البرنامج علي منتدي شباب في شباب علي منتدي شبابيك

كونوا معنا

كفروني و أستحلوا دمي .. مش غريبة عليهم

انهاردة في كورس الكمبيوتر حصل حوار غريب . زميل لي كلمني بكل صراحة عبر لي عن رايه فيا . و بالتأكيد ده نفس الرأي بتاع باقي زمايلي اللي في الكورس . كلمني و قالي بصراحة انا مكنتش متوقع انك كدة ؟

كدة ازاي يعني ؟-

يعني كنت واخد عنك فكرة احسن من كدة

مش فاهم ؟ فاهمني قصدك ايه ؟

يعني انك ضال عن الطريق القويم طريق الحق

انا ضال ؟

ايوة . و بلهجة عصبية بقي " انتا ضال " و بينطبق عليك حاجة في الدين . للاسف بتنطبق عليك .

ايه هي بقي الحاجة اللي للاسف دي ؟

بلهجة كانه من فوق منبر جامع في صلاة جمعة من خطيب متشدد زي بتوع افلام عادل امام " بين الصلاة عمود الدين من اقامها اقام الدين و من تركها ... يبص لي بنظرات قوية و بنبرة صوت اعلي .... ترك الدييييييين " -و يكمل بحديث اخر " بين الرجل و الكفر " نفس النظرة " ترك الصلاة "

- قلت له اه انتا قصدك علي كدة يعني يعني انتا شايفني كافر ؟

ايوة انت منحرف عن الطرق القويم و المفروض اننا ندعوك للصلاة ثلاثة مرات و اذا لم تلبي الدعوة تقتل .

قلت له ايه

تقتل

قلت له و مين بقي حيقتلني انشاء الله ؟ انت و لا شيخ من شيوخك ؟

بصلي بحسرة قال مش حد ما هي الشريعة معطلة للاسف

قلت له يا ابني الكلام اللي بتقوله ده غلط ده كلام ناس مش فاهمة كمان انت اش عرفك بيا خارج الكورس .

انا مش باصلي هنا بس و رغم اني عارف ان ده غلط بس انا واخدها عند

قالي عند بتعاند ربنا ؟

قلت لا بعاند فكر غلط شايفه مش مقتنع بيه و ....

قالي فكر ايه اللي يمنعك عن الصلاة ...

قلت له الفكر اللي يخليك انت و غيرك تتكلموا بالشكل ده و تتغروا بنفسكم بالغلط

المهم زميلنا مصر علي كدة . و انا اتعودت لما الاقي حد قافل عقله و قلبه و مش عاوز لا يسمع و لا يفهم اسيبه لان مفيش منه رجا

انا مش بصلي في الكورس لان انا مقتنع بفكرة ان الكورس عدد ساعاته محدود و كان حسب نظام البريك الاولاني بيضيع اكتر من نص الوقت في البريك و الصلاة . و انا مقتنع جدا بعيدا عن اراء الشيخ فلان او علان ان لما نكون في حلقة علم يبقي الاولوية للعلم .

الكلام ده مش كلام في الهوا . انا ليا اصحاب من الاخوان المسلمين و كنت شغال مع اخوان و كنا بنعمل كدة . لان الدين عباداته مش مقتصرة علي الصلاة و الصوم و بس بل انه في الحقيقة كل ما يفيد الانسان يعتبر عبادة . لان الدين ده هو دين الانسان .

و بعد ما اتعدل نظام البريك فعدم صلاتي معاهم لاني ضد اي شكل من اشكال فرض وصايا من اي نوع عليا . و ان اي حد فكره وهابي متآمر يكسب مني اي جولة . المشكلة ان اي واحد ضرب لي دقن و مسك مصحف و استعمل سواك و سمع له شريطين و حفظ له كم اية و كم حديث بيعين نفسه وصي علي الدين و مش حنسي ابدا في شغلي الاخير الاتنين الوهابيين اللي سمحوا لنفسهم بتكفير واحد ملتحي زيهم . شفتم بقي ان التكفير عند الفكر ده منهجية و انهم بيعينوا من انفسهم اوصياء علي البشر و بياخدهم الغرور بالدين زورا و جهلا انهم يستعلوا علي الناس و يفتكروا نفسهم اعلي منهم و اقرب الي الله .

مع ان الايمان الصحيح مش من المفترض ان يصل فيه الانسان لهذه الثقة التامة . يقول ابن تيمية - و هو احد مراجعهم الكبيرة - نقلا عن اخرين " ان العبد ليقوم بالذنب فيدخل به الجنة و يقوم بعمل الخير فيدخل به النار " و السبب انه اللي عمل ذنب يفضل يستغفر لحد ما يغفر له ربنا اما اللي عمل الخير فممكن لما يصيبه الغرور يقول ما اصل انا بطلع زكا او انا بصلي الوقت بوقته او انا باؤمر الناس بالمعروف و انهيهم عن المنكر .

واحد تاني قالي و احنا ماشيين بخفة دم بايخة - وريني بطاقتك كدة عاوز اتأكد انت مسلم و لا ايه بالظبط ؟

قلت له ليه انت مين ؟

قال لي انا احسن منك ؟

قلت له لا

قال لي لا انا احسن منك

قلت لا بيتهيألك

قالي لا انا احسن منك

قلت له الله اعلم بالموضوع ده مني و منك

قريب جدا باذن الله حعمل مقال افند فيه افكارهم الخطأ اعتمادا علي كتب من التراث الاسلامي

و حسبي الله و نعم الوكيل

أحداث الدخيلة

منطقة شارع الجيش بالدخيلة إحدي بؤر الإحتقان الطائفي المستمر بين المسلمين و المسيحيين لا يمر عام إلا و يكون هناك ضحايا أو قتلي ، و السبب في ذلك هو تأثر الناس بخطابات الإستعداء الديني . و منذ حوالي عشرة أيام كانت المنطقة حديث العالم حيث قام مسيحيو المهجر الأمريكي من أصل مصري بتظاهرات إحتجاجا ً علي هذه الإحداث المؤسفة . و علي مدار الأسبوع طوقت عربات الأمن المركزي المنطقة ، و أجبرت المحال التجارية علي الإغلاق ، ما عدا المراكز و المشافي الطبية ، و كان منظرها مريبا ً أشبه ما تكون بقوات حفظ السلام في البلاد التي تعاني إنفلاتا ً أمنيا ً و سياسيا ً شديدا ً . و إنتهي الأمر بعقد مصالحة بين الطرفين المسلم – المسيحي ، رآها البعض بأنها خطوة طيبة ، و رآها البعض الآخر إنها خطوة روتينية لن تحل المشكلة حلا ً حاسما ً .
لكن ما الذي حدث ليجعل هذه المنطقة في الإسبوع المنقضي حديث العالم ؟ تختلف الإجابات ، فقائل بأن السبب هو خطبة في المسجد الذي يقع بالشارع هيجت مشاعر المسلمين ضد المسيحيين ، و آخر يقول هو سب أحد المسيحيين للمسلمين ، و ثالث يقول أن مشادة بسيطة نشبت بين طفلين أحدهما مسلم و الآخر مسيحي و أن شباب الكنيسة إعتدوا بالضرب داخل جدران الكنيسة علي الطفل المسلم ، و هو أصح ما قيل في هذا الشأن ، فأستفز هذا الموقف مشاعر المسلمين ، فهجموا علي الكنيسة . و هذه الإجابات علي إختلافها إلا أنها في النهاية تصب في نفس المعني : الإحتقان الطائفي بلغ الذروة . و وصل لمرحلة الخطر التام . و أن مصالحة كالتي تمت و أُعلن عنها لن تجدي أو تنفع . و أن الحل الحقيقي و الوحيد هو القضاء علي كل مسببات هذا الإحتقان ، من خطاب ديني –إسلامي أو مسيحي – عنصري ، أو التمييز بين المواطنين علي أساس الدين في المدارس و في الوظائف العامة . و لابد من الإعتراف حين نقول أن الخطاب الديني بحاجة إلي تعديل ليبتعد عن زرع مفاهيم العنصرية أن الخطأ هنا ليس خطأ رجال دين دون دين و إنما هو خطأ كلا رجال الدينين فكما يغرس صغار دعاة و أئمة المسلمين في المصلين أفكارا ً مثل عدم جواز مصافحة أهل الذمة ، و أنهم بشر من الدرجة الثانية ، نجد أن القسيسين ،بالقدر نفسه ،في قداس الأحد يغرسون في المسحيين أفكارا ً تصب في النهاية إلي سادية و عدوانية المسلمين . و تنتقل هذه العدوي إلي كبار علماء الدين من الديانتين فكما قامت الضجة الكبيرة بسبب كتاب المفكر الإسلامي د. محمد عمارة ، فتنة التكفير ، و الذي أورد فيه نصوصا ً لإبن تيمية تدعو لمعاداة المسحيين و نبذهم ، نجد البابا شنودة ، منذ أسبوعين ، في خبر منشور بجريدة المصري اليوم ، يدعو المسيحيين إلي أخذ العبرة من دروس التاريخ ، و كيف صبر المسيحيين الأوائل ضد ظلم الدولة ، ثم سادت ديانتهم بعد ذلك ، في إشارة واضحة ، إلي عدم إستعجالهم قيام دولة دينية مسيحية ، و أن هذا حتم تاريخي . إن ما يحدث يقودنا للتساؤل بجدية : إلي متي ننتظر حتي نفاجئ بقيام حرب أهلية ؟

** محمد مجدي تخرج من كلية الاداب جامعة الإسكندرية قسم التاريخ دفعة 2006 ، و يكتب بصفة مستمرة على مواقع إعلامية على

شبكة الإنترنت ، و نقدم له على صفحات موقع البديل هذا المقال.

اضغط علي الرابط لرؤية الموضوع في جريدة البديل **