لسة مرستش علي طريق اختاره بعد ما سبت شغلي من حوالي اسبوعين .
كل الحاجات اللي راهنت عليها خذلتني .
شركتي مع نادر . خذلتني . رافض يعمل عقد مشاركة . طيب ليه يرفض اذا كان سليم النوايا معايا و لا هي العملية مجرد ان عاوز حد
يخفف عليه قيمة الايجار الشهري .
احمد عامر و مشغول بفرحه .
محمد طارق و موبايله خارج نطاق الخدمة و مش موجود طول اليوم في بيته . يعني حتي معرفتش منه رد الراجل اللي
حنشغله السنترال و السيبر ايه ؟
وسط كل ضغوط الشغل دي عمال بخسر في ناس مش عارف ليه . حمدي بتاع سيبر عرب نت زعلان لان البرنتر حسب كلامة ما اتصلحتش مع ان المشكلة بسيطة جدا .. يجيب كابل يو اس بي بفلتر . ب 10 او 15 جنيه بالكتير .
و - هي - امبارح خلاص انهينا علاقتنا رسميا .
انا ممكن اغامر و اعمل المشروع لوحدي . بس المشكلة ان مجال الكمبيوتر في البدايات زي ما انا لاحظت لازم يكون في اتنين شركاء مع بعض . لان العلاقات فيه متداخلة بشكل كبير جدا . لازم اتنين يقسموا الشغل بينهم واحد يتفرغ لادارة المبيعات و التسويق و التاني يفضي نفسه للمشتريات علشان الاسعار طالعة نازلة و عاوزة متابعة اول باول .
مش عارف ربنا يسويها بقي .
٢٠٠٧-٠٨-١٥
لسة مرستش علي طريق
صاحب الشطحات
- Mo Magdi
- باحث عن الحقيقة،حقيقتي،وحقيقة كل شئ،متناقض،ربما،ناقد لكل ما حولي،أكيد،أتطلع للسمو لكني ملتصق بالأرض.
الشتم لغة العجزة
ليست هناك تعليقات:
إرسال تعليق